Міліцыя ўсталёўвае ў чужыя тэлефоны Telegram і Instagram, каб знайсці доказы правапарушэнняў
Сам факт таго, што ў тэлефонах у людзей няма гэтых мэсэнджараў Telegram і Instagram, падаецца супрацоўнікам міліцыі дужа падазроным. Беспрэцэдэнтны выпадак адбыўся ў Гарадку з мясцовай жыхаркай, імя якой праваабаронцы пакуль не называюць: яе асудзілі за рэпост «экстрэмісцкіх» матэрыялаў, сканфіскаваўшы тэлефон і ўсталяваўшы на яго Instagram.
Хто карыстаецца мабільным тэлефонам Барыса Хамайды ў віцебскім ІЧУ?
Увечары 30-га сакавіка карыстальнікі Telegram, знаёмыя з найстарэйшым віцебскім апазіцыянерам, атрымалі дзіўныя паведамленні. Паводле допісаў службы мэсэнджару, Барыс Хамайда зарэгістраваўся ў Telegram каля 22-й гадзіны вечара. Сітуацыя неверагодная ў прынцыпе, бо актывіст знаходзіцца пад арыштам, а ягоны тэлефон тым часам павінны захоўваць супрацоўнікі ІЧУ. Або міліцыянты, калі апарат забраны для нейкіх следчых дзеянняў. У любым выпадку, гаспадар карыстацца ім не можа. Хто ж тады ўвайшоў Telegram пад выглядам Барыса Хамайды?
Высветлілася, за што асудзілі Барыса Хамайду: за жоўта-блакітную стужку
Высветліліся некаторыя акалічнасці затрымання віцебскага апазіцыйнага актывіста Барыса Хамайды. Ён быў затрыманы 15 сакавіка і паспеў паведаміць пра гэта журналістам. Абазнаныя крыніцы паведамляюць, што Барыса Хамайду асудзілі на 20 сутак адміністрацыйнага арышту паводле артыкулу 24.23 КаАП – за «несанкцыянаванае пікетаванне».
Барыс Хамайда на асобным рахунку ў віцебскім ІЧУ
Найстарэйшы апазіцыянер Віцебску быў затрыманы супрацоўнікамі Чыгуначнага РАУС 15 сакавіка, каля 14-й гадзіны ён паспеў праз тэлефон паведаміць гэта журналістам. З тае пары амаль трое сутак пра 74-гадовага грамадскага актывіста нічога не было чуваць. Ягоныя сябры і знаёмыя з грэка-каталіцкай царквы толькі цяпер здолелі даведацца пра ягонае месца знаходжання, і ўжо зладзілі перадачу з прадметамі першай неабходнасці і гігіены. Але колькі сутак арышту прысуджана Барысу Хамайду і за што, дагэтуль застаецца не вядомым.
Затрыманы віцебскі дысідэнт Барыс Хамайда
Найстарэйшы апазіцыянер Віцебску, які неаднаразова падкрэсліваў, што жыве па беларускай Канстытуцыі, прынятай у 1994 годзе, бо ўсе пазнейшыя лічыць нелегітымнымі, быў затрыманы якраз 15 сакавіка, у Дзень Канстытуцыі. Што стала падставай для затрымання, застаецца невядомым.
Барыс Хамайда: «Рэферэндум» наконт зменаў у Канстытуцыю нелегітымны
Найстарэйшы віцебскі апазіцыянер не збіраецца браць удзел у «рэферэндуме» 27 лютага. На ягоную думку, няма сэнсу разважаць пра змены ў цяперашняй Канстытуцыі РБ, бо яна нелегітымная, а значыць, і вынікі рэферэндуму не могуць мець законнай сілы. Паводле Барыса Хамайды, апошняя беларуская легітымная Канстытуцыя -1994 году.
Барыса Хамайду зноў затрымлівалі: супрацоўнікі МУС забралі ў яго 12 кніг
24 снежня каля «сіняга дому» ў Віцебску ў чарговы раз быў затрыманы апазіцыянер Барыс Хамайда. Як перадае Беларускае Радыё Рацыя, Хамайда правёў у міліцэйскім пастарунку тры гадзіны. Пратакол на яго не складалі, але забралі беларускамоўныя кнігі і выданні, якія ён распаўсюджвае ў цэнтры гораду. Хамайда падлічыў, што ў Чыгуначным РАУС Віцебску ляжаць ужо 25 кніжак, адабраных у яго падчас затрыманняў.
Віцебскія ўлады прыступілі да ліквідацыі ўстановы «Рэдакцыя газеты «Віцебская трыбуна»
27 жніўня 2021 году адміністрацыя Чыгуначнага раёну Віцебску пачала ліквідацыю прыватнай выдавецкай ўстановы «Рэдакцыя газеты «Віцебская трыбуна». Аб прычынах і законных падставах ліквідацыі ўлады не паведамляюць. Цягам 17 гадоў, паводле нейкіх дзіўных бюракратычных законаў, рэдакцыя «Віцебскай трыбуны» не была закрытая. І толькі зараз, калі ў краіне адбываецца татальнае знішчэнне незалежных СМІ і сектара недзяржаўных грамадскіх арганізацый, улады ўспомнілі і пра «Віцебскую трыбуну».
Барыс Хамайда: «Мо прынялі мяне за сірыйца ці курда, але ж я ў Віцебску нарадзіўся»
19 лістапада ў Віцебску каля «сіняга дому» быў затрыманы найстарэйшы прадстаўнік дэмакратычнага руху ў Віцебску Барыс Хамайда. Для прафілактычнай размовы яго даставілі ў Чыгуначны РАУС. На прадмет наяўнасці экстрэмісцкіх матэрыялаў міліцыянты вырашалі правераць усе 12 кніг, адабраных у Хамайды адмыслова для гэтай мэты.
Барыс Хамайда – на волі. «У мяне адчуванне блізкага канца гэтага рэжыму»
73-гадовы дысідэнт і распаўсюднік незалежнай прэсы Барыс Хамайда 11 чэрвеня выйшаў на волю з віцебскага ізалятару часовага ўтрымання (ІЧУ). Ён правёў за кратамі 8 сутак, якія яму прысудзілі за бел-чырвона-белы парасон і стужку такіх жа колераў (арт. 24.23 КаАП). Па вызваленні Хамайда прызнаўся, што было цяжка, але сваім турэмшчыкам ён ні на што не скардзіўся і нічога ў іх не прасіў.