Пра выпадак, калі падлетка, што не мае бацькоў, прызналі малалетнім злачынцам і накіравалі ў спецыяльную лячэбна-выхаваўчую ўстанову, напісала раённая газета «Чырвоны прамень». У артыкуле робіцца акцэнт на тое, што дзіця вырасла непаслухмяным і «ступіла на слізкі шлях», але толькі мімаходзь згадваецца, што пад дзяржаўнай апекай хлопец знаходзіўся з ранняга маленства --з 2011г., і за 12 гадоў ні сацыяльныя ўстановы, ні школа, ні прыёмныя сем’і не змаглі выхаваць яго належным чынам. Таксама толькі згадкі адпаведных артыкулаў Крымінальнага кодэксу даюць чытачу зразумець (а не абазнаны чытач проста не зверне на гэта ўвагі), што падлетак, які знаходзіўся пад апекай дзяржавы, стаў ахвярай сэксуальнага гвалту.

Суд Наваполацку асудзіў 40-гадовага мясцовага жыхара на два з паловай года калоніі за тое, што падчас пратэставай акцыі ў жніўні 2020 году ён, па версіі следства, чыніў супраціў міліцыянту пры выкананні ім абавязкаў па ахове грамадскага парадку, пры гэтым нібыта ўжыў у дачыненні супрацоўніка МУС гвалт. Суд таксама пастанавіў выплаціць міліцыянту матэрыяльную кампенсацыю маральнай шкоды ў памеры 1000 рублёў. 

У нядзелю 6 верасня падчас «Маршу еднасці» ў Віцебску адбылося некалькі жорсткіх сутычак паміж пратэстоўцамі і супрацоўнікамі МУС. Да бойкі дайшло на вуліцы Праўды, калі міліцыянты, якія суправаджалі маніфестантаў на аўтобусах, выхапілі з калоны некалькіх удзельнікаў шэсця. Віцябляне пачалі бараніць і адбіваць тых, каго затрымлівалі.

У 2019 годзе ў Віцебскай вобласьці завялі 13 крымінальных справаў паводле арт. 364 КК РБ па фактах гвалту альбо пагрозаў яго прымяненьня ў дачыненьні да супрацоўнікаў міліцыі. Колькасьць справаў за гвалт над міліцыяй павялічылася ў параўнаньні з аналягічным леташнім пэрыядам больш чым у тры разы.

У нядзелю 12 траўня ў Віцебску прайшоў трэнінг “Пол і гендэр”. Некалькі дзясяткаў маладых віцяблян разважалі на тэму гендэрнага гвалту і гендэрных стэрэатыпаў. Вучыліся гэтыя стэрэатыпы разбураць…