На міжнародным турніры для спартоўцаў з парушэньнямі зроку, што прайшоў у Віцебску ў сакавіку, выступіла каманда з Данецку, якая пазыцыянавала сябе як «зборная ДНР».

У віцебскім гандлёва-забаўляльным цэнтры «ТриО» адбылася прэзэнтацыя майстэрні па валеньні з воўны «Неваляшка арД». Імпрэза была зладжаная пры падтрымцы  дабрачыннага грамадзкага аб'яднаньня «Сьвет бязь межаў» і Цэнтру разьвіцьця прадпрымальніцкай актыўнасьці маладых людзей з інваліднасьцю «Вузел».

Рабочыя ПУП «Элект» ў Воршы, якое належыць Беларускаму таварыству інвалідаў па зроку, зьвярнуліся зь лістом у сродкі масавай інфармацыі. Паводле ліста, на заводзе ўстаноўленыя новыя дзённыя нормы, якія немагчыма выканаць. Заробак пры гэтым застаўся ранейшым.

Чытачы з Воршы папрасілі напісаць пра сытуацыю на аршанскім прадпрыемстве «Элект», якое належыць Беларускаму таварыству інвалідаў па зроку. 51% работнікаў там – інваліды.