Актывісты аргкамітэту БХД хочуць правесьці пікет супраць спыненьня будаўніцтва шпіталя ў Воршы
Шматпавярховы корпус шпіталя імя Сямашкі ператварыўся ў “даўгабуд”: яго ня тое што ня могуць здаць у эксплёатацыю – нават давесьці да завяршэньня будаўніцтва. Пікет з гэтай нагоды вырашылі правесьці актывісты аргкамітэту па стварэньні партыі БХД.
Істотныя затрымкі заработнай платы сталі традыцыяй на аршанскім прадпрыемстве
Сэлекцыйна-гібрыдны цэнтар «Задняпроўскі» трывала знаходзіцца ў сьпісе прадпрыемстваў, дзе работнікам сур'ёзна затрымліваюць выплату заробкаў. Заработная плата на «Задняпроўскім» і гэтак невысокая – досыць распаўсюджаная ў разьліковых аркушах сьціплая сума ў 2 мільёны рублёў. Але ў цяжкі халодны сэзон людзі, якія працуюць на «Задняпроўскім», доўга чакаюць нават гэтых мізэрных грошай. Толькі ў сакавіку большасьць людзей, што працуюць на прадпрыемстве, атрымалі заробак за студзень.
На аршанскім заводзе інваліды па зроку не пасьпяваюць выконваць новыя нормы
Рабочыя ПУП «Элект» ў Воршы, якое належыць Беларускаму таварыству інвалідаў па зроку, зьвярнуліся зь лістом у сродкі масавай інфармацыі. Паводле ліста, на заводзе ўстаноўленыя новыя дзённыя нормы, якія немагчыма выканаць. Заробак пры гэтым застаўся ранейшым.
Ураджэнец Воршы Ігар Станкевіч знайшоў імёны траіх рэпрэсаваных, якія не праходзілі па іншых сьпісах
Поўнага сьпісу людзей, якія трапілі пад сталінскія рэпрэсіі ў Беларусі, дагэтуль няма. Найвяликшы сьпіс на сёньняшні дзень сабраны арганізацыяй «Мартыралёг Беларусі», але і ён далёка ня поўны, хоць зьмяшчае імёны некалькіх дзясяткаў тысяч рэпрэсаваных. Ігар Станкевіч вывучае свой род і ў працэсе збору матэрыялаў знайшоў яшчэ траіх рэпрэсаваных, якіх не было ў ніводным даступным сьпісе.
У Воршы няма грошаў на ходнікі
Актывістка аргкамітэту па стварэньні партыі «Беларуская хрысьціянская дэмакратыя» Вольга Бугай атрымала з Аршанскага райвыканкаму адказ на калектыўны зварот з просьбай абсталяваць ходнікі на вуліцы Пралетарскай ў Воршы.
Рабочыя прадпрыемства ў Воршы дамагліся выплаты мінімальнага заробку праз страйк
Чытачы з Воршы папрасілі напісаць пра сытуацыю на аршанскім прадпрыемстве «Элект», якое належыць Беларускаму таварыству інвалідаў па зроку. 51% работнікаў там – інваліды.
Пракуратура адрэагавала на несвоечасовы адказ праваслаўнай царквы аршанскім краязнаўцам
Гаворка ідзе пра чарговы ліст ад аршанскіх краязнаўцаў да царкоўных уладаў наконт рэстаўрацыі былога Базыльянскага кляштару. Гэтым разам, яшчэ 31 ліпеня 2015 году, ліст быў накіраваны Мітрапаліту Менскаму і Слуцкаму Паўлу. Той накіраваў копію ліста ў Віцебскую епархію. Але адказ на ліст прыйшоў 20 студзеня 2016 году.
У Полацку і Воршы адбыліся прэзэнтацыі новай кнігі Георгія Станкевіча і фільму пра яго
Жыхар Бешанковічаў Георгі Станкевіч вядомы як паэт, бард, настаўнік, грамадзкі дзеяч. Сваёй дзейнасьцю і жыцьцём ён натхніў відэаапэратара Аляксандра Зянкова і журналістку Алену Сьцяпанаву на стварэньне дакумэнтальнага фільму «Я лічу, што я шчасьлівы».
Прадпрымальнікі Воршы патрабуюць скасаваньня ўказу №222
Дзясяткі прадпрымальнікаў выйшлі на акцыю пратэсту на Цэнтральным рынку ў Воршы. Пратэстоўцы трымалі плякаты «Працу прадпрымальнікам» і «Скасаваць указ №222». У сваёй заяве прадпрымальнікі падкрэсьлілі: «Мы паказваем усім, што мы не ў «адпачынках», а патрабуем скасаваць указ №222. Паглядзіце, колькі людзей сабралася!»
Аршанскі льнокамбінат выратуюць кітайцы?
Урад Беларусі плянуе прыцягнуць амаль 52 мільёны даляраў крэдыту на мадэрнізацыю Аршанскага льнокамбінату. Пазыку дзяржава мяркуе ўзяць у кітайскім экспартна-імпартным банку (Эксім-банк) - фактычна ў цэнтральнага ўраду КНР. Чакаецца, што крэдыт будзе ўзяты на 15 гадоў для рэалізацыі другога этапу мадэрнізацыі прадпрыемства з пашырэньнем вытворчасьці.