Дырэктар Віцебскага бізнэс-цэнтру Леанід Шур прапануе ў сваім допісе ўвесьці падатковыя канікулы для прадпрымальнікаў-навічкоў, замяніць чыноўнікаў на бясплатныя чат-боты – для зручнасьці інвэстараў, і зрабіць ангельскую мову трэцяй дзяржаўнай мовай. Ці пацяплее бізнэс-клімат на Віцебшчыне і ва ўсёй Беларусі ў 2018 годзе?

Праблему зьмяншэньня колькасьці суб’ектаў малога і сярэдняга бізнэсу ўзьнялі на прэс-канфэрэнцыі ў Віцебску. Ініцыятарамі мерапрыемства выступілі Асацыяцыя наймальнікаў і прадпрымальнікаў Віцебскай вобласьці і Віцебскі бізнэс-цэнтар. Удзел узялі і прадстаўнікі Віцебскага гарвыканкаму.