Пра гэта распавёў працоўны РУП электраэнэргетыкі «Віцебскэнэрга» філіялу Аршанскія электрычныя сеткі Мікалай Прануза, які зьвярнуўся па прававую дапамогу на сацыяльны офіс кампаніі “Гавары праўду”.

Мікалай Прануза паведаміў, што ў іх арганізацыі існуе некалькі табеляў - адзін для бухгальтэрыі, а другі для праверак, і таму колькасьць няўлічанага працоўнага часу часам дасягае некалькіх дзён на працягу паўгодзьдзя. Шматлікія скаргі ў адрас кіраўніцтва арганізацыі не далі ніякіх вынікаў. Не дапамагае адстаяць свае правы і дзяржаўны прафсаюз, які ў 2012 годе падтрымаў наймальніка і даў дазвол на тое, каб працоўным не даплачваць штодня 30 хвілін падчас перазьменкі.

Сытуацыю камэнтуе юрыст Алена Барысава: “Усе адказы на свае скаргі, якія атрымаў Мікалай Прануза, не адпавядаюць дзейнаму заканадаўству. Зь іх вынікае, што чалавек, які адпрацаваў на працягу апошніх шасьці месяцаў звыш нормы, застаўся вінен арганізацыі 8 працоўных гадзін. Мною падрыхтаваная скарга аб пераліку звышурочных, а таксама разьязных КТС. Акрамя таго, была падрыхтаваная скарга аб правядзеньні атэстацыі працоўных месцаў атэстацыйнай камісіяй”.

14 жніўня адбудзецца суд, у якім працоўны будзе абараняць свой гонар, годнасьць і дзелавую рэпутацыю і спрабаваць законным шляхам даказаць сваю правату. Справа ў тым, што прадстаўнік адміністрацыі філіялу Аршанскіх электрасетак з-за таго, што Мікалай Прануза пісаў скаргі на імя кіраўніцтва і спрабаваў абараніць свае працоўныя правы пачала абражаць яго і пагражала яму наступствамі за яго актыўнасьць у прысутнасьці іншых рабочых.

Крыніца: Праваабарончы цэнтар "Вясна"