Паводле інфармацыі АН “Апэратыўнае прыкрыцьцё”, труп невядомага мужчыны быў знойдзены 8 лютага каля 16 гадзін на будоўлі ў горадзе Луга-3 ЦАОК. Гэта мікрараён на ўскраіне, пабудаваны для вайскоўцаў Цэнтральных афіцэрскіх артылерыйскіх курсаў. Паводле дадзеных паліцыі, тут вядзе работы ТАА “Стройпрофкомплекс”. Мужчыну прыдушыла насмерць мэталаканструкцыяй. Асоба загінулага ўжо ўстаноўленая: ім аказаўся 39-гадовы жыхар Полацку. У цяперашні час праваахоўныя органы ўдакладняюць абставіны здарэньня.