Доктар Пастноў павіншаваў Лукашэнку зь юбілеем
Вядомы віцебскі «лекар-праўдаруб» правёў свой аднаасобны «віншавальны» пікет, нягледзячы на забарону ўладаў. Праўда, рабіць гэта яму давялося ў малалюдным месцы — на лясным ускрайку пад Віцебскам.
У Віцебску забаранілі пікет да 60-годзьдзя Лукашэнкі
Заяўку на акцыю ў адміністрацыю Кастрычніцкага раёну падаваў доктар Ігар Пастноў. Ён паспрабаваў выканаць усе патрабаваньні, рэглямэнтаваныя рашэньнем гарвыканкаму “Аб масавых мерапрыемствах у г. Віцебску”, але дазволу так і не атрымаў.
Пікет доктара Пaстнoва да дня народзінаў Лукашэнкі – пад пытаньнем
Гэтае пытаньне паставіла перад арганізатарам адміністрацыя Кастрычніцкага раёну, запатрабаваўшы дамовы на абслугоўваньне акцыі са службай ЖКГ. Незразумела чаму, але дамоваў зь міліцыяй і мэдыкамі, неабходных паводле закону аб масавых мерапрыемствах і ў адпаведнасьці з адмысловым рашэньнем Віцебскага гарвыканкаму, чыноўнікі не патрабуюць.
Доктар Пастноў рыхтуецца адзначыць юбілей Лукашэнкі
Актывіст Ігар Пастноў зьвярнуўся да кіраўніка Кастрычніцкага раёну Віцебску з просьбай дазволіць правесьці ўрачыста «мерапрыемства-пікет» у гонар 60-годзьдзя з дня нараджэньня кіраўніка Беларусі. У акцыі мяркуецца ўдзел толькі яго аднаго. Ніякіх салютаў і нават піратэхнікі ня будзе. Аднак на плякаце, зь якім плянуецца ўрачыстасьць, будуць напісаныя словы падзякі за «шчасьлівае» жыцьцё беларускага народу.
Андрэй Герашчанка: Традыцыйна мы падтрымліваем Лукашэнку, але ў нас да яго ёсьць пытаньні (відэа)
Імя старшыні Віцебскага грамадзкага аб’яднаньня «Рускі дом» Андрэя Герашчанкі вядомае далёка за межамі Віцебску. За выказваньні ў падтрымку як мага больш цеснай інтэграцыі Беларусі з Расеяй і адданасьць пісьменьніка і грамадзкага дзеяча расейскай культуры адны лічаць яго ледзь ня здраднікам нацыянальных інтарэсаў Беларусі, для іншых ён – бясспрэчны аўтарытэт. Андрэй Яўгенавіч ласкава пагадзіўся адказаць на пытаньні «Дыялёгу», каб прадставіць чытачам сваю пазыцыю наконт грамадзка значных аспэктаў жыцьця.
Кіраўнік Беларусі прыстрашыў губэрнатара Косінца адстаўкай
Кіраўнік дзяржавы папярэдзіў старшыню Віцебскага аблвыканкама аб адказнасьці за невыкананьне ўзятых на сябе забавязаньняў. Адпаведныя заявы былі зробленыя Лукашэнкам 27 траўня на выязной нарадзе па праблемах кормавытворчасьці і павышэньня эфэктыўнасьці жывёлагадоўлі.
На мясцовых выбарах колькасьць дэпутатскіх мандатаў зьменшыцца
Як паведамілі ў прэс-службе прэзыдэнта Рэспублікі Беларусь, па выніках працоўнай сустрэчы са старшынёй ЦВК Лідзіяй Ярмошынай, якая адбылася 2 сьнежня, Аляксандар Лукашэнка ўхваліў прапанову правесьці мясцовыя выбары 23 сакавіка наступнага году. У выніку карэктаваньня адміністрацыйна-тэрытарыяльнага ўладкаваньня на Віцебшчыне колькасьць “народных выбраньнікаў” у прадстаўнічых органах улады 26-га скліканьня значна скароціцца.
У шэрагах міліцыі Віцебшчыны стала на двух палкоўнікаў больш
Указам Аляксандра Лукашэнкі ад 28 лістапада 2013 году Андрэю Іванову і Ігару Скарыновічу прысвоеныя спэцыяльныя званьні палкоўнікаў міліцыі. Зьяўляючыся намесьнікамі начальніка міліцыі грамадзкай бясьпекі УУС Віцебскага аблвыканкаму, абодва гэтыя супрацоўнікі часта несьлі ахову правапарадку як на санкцыянаваных, гэтак і на несанкцыянаваных мерапрыемствах у Віцебску. Таму многім месьцічам даводзілася сутыкацца зь імі часьцей, чымся зь іншымі міліцыянтамі.
У Віцебску шукаюць, хто сарваў «мадэрнізацыю»
Адмысловая камісія для вывучэньня ходу мадэрнізацыі ААТ “Віцебскдрэў” і праверкі выкананьня даручэньняў Аляксандра Лукашэнкі па пытаньнях дрэваапрацоўчай галіны створаная ў Віцебску, распавялі ў Камітэце дзяржаўнага кантролю па Віцебскай вобласьці. Задачай камісіі будзе правесьці аналіз ходу мадэрнізацыі ААТ “Віцебскдрэў”, знайсьці службовых асоб, вінаватых у зрыве тэрмінаў рэалізацыі праектаў мадэрнізацыі, якія дапусьцілі няякаснае выкананьне будаўніча-мантажных і праектных работ, і ўнесьці на разгляд міжведамаснай працоўнай групы прапановы пра прыцягненьне гэтых асоб да адказнасьці.
Павал Севярынец: Абражаць і крыўдзіць людзей - натура Лукашэнкі
«Пра маральнасьць і паліткарэктнасьць у дачыненьні да асобы з боку Лукашэнкі размова проста не ідзе. Гэта два паралельных сьветы, якія не перасякаюцца. Нават калі Лукашэнка хоча здацца сумленным і прыстойным палітыкам, то ў яго не атрымліваецца: увесь час вылазіць унутраная натура. З гэтым нічога ня зробіш - яна такая, якая ёсьць», - гэтак палітвязень Павал Севярынец пракамэнтаваў расісцкае выказваньне Аляксандра Лукашэнкі ў адрас Барака Абамы.