Суд пастанавіў расстраляць жыхара Віцебскага раёну Віктара Паўлава
30 ліпеня судовая калегія па крымінальных справах Віцебскага абласнога суду вынесла сьмяротны прысуд жыхару Віцебскага раёну Віктару Паўлаву. Суд палічыў, што ягоная віна ў забойстве дзьвюх жанчын-пэнсіянэрак у вёсцы Прысушына была цалкам даказаная.
Пракурор запрасіў для Віктара Паўлава найвышэйшую меру пакараньня
29 ліпеня ў Віцебскім абласным судзе скончыўся разгляд крымінальнай справы ў дачыненьні да жыхара Віцебскага раёну Віктара Паўлава, абвінавачанага ў забойстве дзьвюх пэнсіянэрак у вёсцы Прысушына (ч.2 арт.139). Пракурор папрасіў прымяніць у дачыненьні да яго выключную меру пакараньня – расстрэл.
Абласны суд не задаволіў скаргу псыхіятра Пастнова – прысуд не зьмякчылі
Судовая калегія па крымінальных справах Віцебскага абласнога суду разгледзела 19 ліпеня апэляцыйную скаргу віцебскага “доктара-праўдаруба” Ігара Пастнова, які быў асуджаны судом Бешанковіцкага раёну на тры гады “хіміі” за паклёп на пракурора (ч.2 арт.188 КК). Скарга пакінутая без задавальненьня, а прысуд – бяз зьменаў.
Лукашэнка не памілаваў паляўнічага, які застрэліў інспэктара Раўкова
У 2015 годзе жыхара Талачына Дзьмітрыя Голубева прызналі вінаватым у наўмысным забойстве інспэктара прыродааховы і асудзілі на пажыцьцёвае зьняволеньне (ч.2. арт.139 КК). Усё адбылося хутка: ад моманту затрыманьня да абвяшчэньня прысуду прайшло ўсяго паўгоду. Але і падчас сьледзтва, і на судзе мужчына сьцьвярджаў, што наўмысна не забіваў – здарыўся няшчасны выпадак…
У аблсудзе працягваецца працэс, на якім могуць вынесьці сьмяротны прысуд
У Віцебскім абласным судзе працягваецца слуханьне рэзананснай справы, распачатай у дачыненьні да жыхара Віцебскага раёну Віктара Паўлава. Яго абвінавачваюць у жорсткім забойстве дзьвюх пэнсіянэрак у вёсцы Прысушына. Як мяркуюць праваабаронцы, у выпадку, калі віна мужчыны будзе даказаная, яго могуць асудзіць на расстрэл.
Пачаўся суд над падазраваным у забойстве жанчын у Прысушыне – яму пагражае расстрэл
У Віцебскім абласным судзе 24 чэрвеня пачалося слуханьне крымінальнай справы, распачатай у дачыненьні да жыхара Віцебскага раёну Віктара Паўлава. Яго падазраюць у забойстве дзьвюх пэнсіянэрак у вёсцы Прысушына Віцебскага раёну. Мужчыне пагражае сьмяротнае пакараньне.
Абласны суд разгледзеў скаргу відэаблогера Сяргея Сікоры зь Віцебску
Былы электраманцёр Віцебскага мясакамбінату спрабаваў 17 чэрвеня адмяніць рашэньне суду Першамайскага раёну, які абавязаў яго публічна выбачыцца перад супрацоўнікамі рэжымнага аддзелу прадпрыемства. Адмяніць рашэньне не атрымалася – аблсуд пакінуў прысуд у сіле.
Абласны суд не адмяніў штрафы віцебскім журналістам
Журналісты Алена Шабуня і Вячаслаў Лазараў абскардзілі 12 чэрвеня ў Віцебскім аблсудзе пастановы Наваполацкага суду, які аштрафаваў іх на 25 базавых велічынь кожнага за незаконны выраб і распаўсюд прадукцыі СМІ (ч.2 арт. 22.9 КаАП). Судзьдзя Сьвятлана Іванова скаргі журналістаў не задаволіла і пакінула прысуды ў сіле.
Ігар Пастноў накіраваў апэляцыйную скаргу на вырак суду Бешанковіцкага раёну
Віцебскі псыхіятар Ігар Пастноў накіраваў у Віцебскі абласны суд апэляцыйную скаргу на вырак суду Бешанковіцкага раёну, які 20 траўня прызнаў яго вінаватым у паклёпе (ч.2 арт. 188 КК) на пракурора Віцебску і пакараў трыма гадамі абмежаваньня волі з накіраваньнем у папраўчую ўстанову адкрытага тыпу.
Павал Левінаў просіць не выносіць сьмяротны прысуд абвінавачанаму ў забойстве дзьвюх жанчын
Праваабаронца Павал Левінаў зьвярнуўся да ўсіх судзьдзяў судовай калегіі па крымінальных справах Віцебскага абласнога суду з просьбай не караць сьмерцю падазраванага ў забойстве дзьвюх жанчын у вёсцы Прысушына Віцебскага раёну. Зварот да судзьдзяў Левінаў напісаў пасьля таго, як даведаўся што справа меркаванага забойцы ўжо паступіла на разгляд у аблсуд.