У Віцебску абласная выбарчая камісія пакінула без задавальненьня ўсе сем скаргаў на адмову ў рэгістрацыі кандыдатамі ў дэпутаты. Пра гэта паведаміў старшыня абласной камісіі па выбарах дэпутатаў Палаты прадстаўнікоў Дзьмітры Хома.

З 15 жніўня Віцебскі абласны суд пачаў разглядаць скаргі грамадзянскіх і партыйных актывістаў на адмовы акруговых выбарчых камісіяў зарэгістраваць іх у якасьці кандыдатаў у дэпутаты беларускага парлямэнту. За першы дзень працы суду былі разгледжаныя скаргі двух прэтэндэнтаў на месцы ў Палаце Прадстаўнікоў, Мікалая Манохіна і Сяргея Васільева.

Калегія Віцебскага абласнога суду 8 жніўня пакінула бязь зьменаў пастанову Полацкага суду ад 23 чэрвеня 2016 году, які прызнаў законным звальненьне памочніка майстра цэху №7 ААТ «Полацак-Шкловалакно», намесьніка старшыні рэспубліканскага Свабоднага прафсаюзу Беларускага Міколы Шараха.

Віцебскі абласны суд адмовіў сябрам Віцебскай абласной арганізацыі партыі «Беларускі народны фронт» у задавальненьні скаргі пра парушэньні заканадаўства падчас фармаваньня выбарчых камісіяў па выбарах дэпутатаў у беларускі парлямэнт – Палату прадстаўнікоў Нацыянальнага сходу Рэспублікі Беларусь.

Разглядаючы касацыйную скаргу, судзьдзі калегіі па грамадзянскіх справах Віцебскага абласнога суду адмовіліся даць жыхарцы Віцебску, ураджэнцы Ўкраіны і ўкраінцы па нацыянальнасьці Антаніне Піванос магчымасьць скарыстацца перакладчыкам.

25 студзеня судовая калегія Віцебскага абласнога суду пакінула без задавальненьня касацыйную скаргу кіраўніцтва Глыбоцкай жыльлёва-камунальнай гаспадаркі, якое аспрэчвала рашэньне раённага суду адносна аднаўленьня на працы дворнічыхі Аксаны Мушкат. Такім чынам, рашэньне, прынятае раней судом ніжэйшай інстанцыі, набыло законную моц.

Заснавальнік «Платформ інавэйшан» Міхаіл Жамчужны ў ліпені 2015 году быў асуджаны Віцебскім абласным судом на 6 гадоў пазбаўленьня волі ў калёніі строгага рэжыму. 23 кастрычніка судовая калегія па крымінальных справах Вярхоўнага суду разгледзела касацыйную скаргу і прызначыла Жамчужнаму больш строгае пакараньне – шэсьць з паловай гадоў пазбаўленьня волі.

Судовая калегія па крымінальных справах Вярхоўнага суду Рэспублікі Беларусь сваім рашэньнем ад 15 студзеня 2016 году пакінула ў сіле вырак Віцебскага абласнога суду ад 30 кастрычніка 2015 году адносна 55-гадовага кіроўцы з Талачына Дзьмітрыя Голубева, які быў прызнаны вінаватым у забойстве старшага дзяржінспэктара Аршанскай міжраённай інспэкцыі аховы жывёльнага і расьліннага сьвету Генадзя Раўкова.

Віцебскі абласны суд пакінуў без задавальненьня скаргу наваполацкага каардынатара аргкамітэту «Беларускай хрысьціянскай дэмакратыі» Андрэя Гайдукова на пастанову Наваполацкага суду ад 30 лістапада. Справу разглядала судзьдзя Сьвятлана Іванова.

Актывістка Надзея Куканос выклікала міліцыю, каб тая ўгамавала п’яную кабету, якая чаплялася да яе. Калі праз паўгадзіны міліцэйскі нарад прыбыў на месца здарэньня, сьлед дэбашыркі прастыў. Але міліцыянты вырашылі не вяртацца ў свой пастарунак зь мілым ліхам і даставілі туды саму актывістку. У пастарунку на яе быў складзены пратакол – нібыта за фальшывы выклік міліцыі. Потым быў суд – актывістку пакаралі. Надзея Куканос абскардзіла рашэньне пра пакараньне, і – рэдкі выпадак – у абласным судзе прыслухаліся да аргумэнтаў актывісткі. Надоечы пастанову суду першай інстанцыі скасавалі, а справу накіравалі на новы разгляд.