Зьвярнуўшыся ў Вярхоўны суд, віцябчук Андрусь Кешанюк дамогся вяртаньня яму бел-чырвона-белага сьцяга, канфіскаванага згодна з пастановай па распачатай супраць яго адміністрацыйнай справе. Астатняя частка пастановы старшынём Вярхоўнага суду пакінутая бязь зьменаў.

У паштоўцы, якую атрымаў нядаўна з папраўчай калёніі №9 віцебскі праваабаронца Леанід Сьвецік, палітвязень Міхаіл Жамчужны паведаміў, на якой падставе апэратыўнікі зьнішчаюць яго карэспандэнцыю.

На пачатку кастрычніка, пасьля трохмесячнага маўчаньня, віцебскія праваабаронцы атрымалі ліст ад палітвязьня і свайго калегі Міхаіла Жамчужнага. У лісьце ён выказвае ўсім падзяку за спагаду і падтрымку і просіць працягваць зь ім перапіску. Паведамляе таксама, што праз абставіны, якія ад яго не залежаць, не заўсёды можа адказаць на пасланьні і просіць за гэта прабачэньня.

Кіраўнік грамадзянскай ініцыятывы “Хайсы” Ян Дзяржаўцаў зьвярнуўся са скаргай ў Вярхоўны суд на рашэньне Віцебскага раённага суду, які абвінаваціў яго ў самавольным пахаваньні чалавечых парэшткаў у месцы, не прадугледжаным для такіх мэтаў заканадаўствам (арт. 23.43 КаАП). Гэта апошняя судовая інстанцыя, якая можа вызначыць невінаватасьць актывіста ў зьдзяйсьненьні правапарушэньня.

Японец адбываў пакараньне ў папраўчай калёніі №3 пад Віцебскам. Ён быў асуджаны за нелегальны перавоз агнястрэльнай зброі. 22 траўня Даічы вызвалілі, 23 траўня ў менскім аэрапорце яго сустрэлі маці і брат. Яму забаронены ўезд у Беларусь на 5 гадоў.

Тэрмін пакараньня японскага мастака Даіча Ёшыда зьменшаны да 1 году 9 месяцаў зьняволеньня. Даічы Ёшыда выйдзе на волю 22 траўня. Пра гэта сям’я зьняволенага паведаміла Радыё Свабода.

Першасная арганізацыя Свабоднага прафсаюзу Беларускага (СПБ) работнікаў ААТ «Полацак-Шкловалакно» абскардзіла рашэньне Віцебскага абласнога суду аб прызнаньні страйку незаконным. Работнікі прадпрыемства – члены СПБ з гэтым рашэньнем не пагадзіліся і зьвярнуліся з касацыйнай скаргай у Вярхоўны суд.

У Полацку 20 верасьня ў гарадзкім судзе старшыня Вярхоўнага суду Валянцін Сукала праводзіў выязны прыём грамадзян. На прыём запісалася 12 чалавек па пытаньнях, што ўваходзяць у кампэтэнцыю суду. Старшыня вёў прыём цягам дзьвюх гадзін – у сярэднім выходзіла па 10 хвілін на наведвальніка. Папярэдні прыём у Полацку Валянцін Сукала праводзіў у 2015 годзе.

Калегія Вярхоўнага Суду не задаволіла апэляцыйнай скаргі на прысуд Віцебскага абласнога суду жыхара Віцебску Станіслава Ганчарова, вядомага пад мянушкай «тэрор-машына».

Скарга тычылася рашэньня Кастрычніцкага райсуду Віцебску, які прызнаў патэнцыйных кандыдатаў у дэпутаты Тацяну Севярынец, Алену Шабуню і Георгія Станкевіча вінаватымі ў парадку правядзеньня масавых акцыяў, за што аштрафаваў кожнага на 105 рублёў.