Сярод затрыманых – абласная каардынатарка па стварэньні партыі «Беларуская хрысьціянская дэмакратыя» Тацяна Севярынец і двое непаўналетніх. Усіх затрыманых адвезьлі ў РАУС Кастрычніцкага раёну Віцебску, дзе на іх склалі пратаколы за нібыта парушэньне артыкулу 23.34 Кодэксу аб адміністрацыйных правапарушэньнях (парушэньне парадку арганізацыі ці правядзеньня масавых мерапрыемстваў).

Апублікавана ў Затрыманьні

Дзень 26 лютага 2017 году віцебчукі запомняць надоўга. Абурэньне дэкрэтам №3 вывела на акцыю пратэсту вялікую колькасьць грамадзянаў. Такіх праяваў пратэставых настрояў у месьцічаў не было, бадай, з часоў перабудовы.

Апублікавана ў Мірныя сходы

Напярэдадні чарговага сходу грамадзян, якія выступаюць супраць дэкрэту № 3, Віцебская кааліцыя Беларускага нацыянальнага кангрэсу распаўсюдзіла адозву да жыхароў гораду, у якой падтрымала акцыю пратэсту. Мяркуецца, сход адбудзецца на плошчы Перамогі 26 лютага. У першым такім сходзе тыднем раней ніхто зь мясцовых лідэраў апазыцыйных партыяў і рухаў ня ўдзельнічаў.

Апублікавана ў Мірныя сходы

У Віцебску, як і ў іншых буйных гарадох краіны, 19 лютага адбыўся стыхійны сход месьцічаў, ня згодных з патрабаваньнямі т.зв. «Дэкрэту аб дармаедах». У горадзе на Дзьвіне не было тысячаў удзельнікаў, як, прыкладам, у гэты дзень у Гомелі ці раней у сталіцы. Але больш як 200 чалавек, не задаволеных сытуацыяй у краіне, што сабраліся разам на плошчы Перамогі, – такога тут не бывала ад часоў «маўклівых акцыяў» 2011 году.

Апублікавана ў Мірныя сходы

За пару дзён актывісты сабралі некалькі сотняў подпісаў. Акцыя, якая зьяўляецца агульнарэспубліканскай, працягнецца да 17 лютага, а пасьля сабраныя подпісы будуць перададзеныя ў адміністрацыю прэзыдэнта, Палату прадстаўнікоў Нацыянальнага сходу і Савет Міністраў.

Апублікавана ў Акцыі

Расейскі дыякан Павал Шульжонак, што быў духоўнікам баевікоў «ДНР», распавёў, чаму ён ня ўзяў удзелу ў Ірынінскім форуме ў Віцебску, намер наведаць які выклікаў абурэньне ў віцяблян.

Менавіта таму будаўніцтва копіі полацкага храму ўзору ХХІ стагодзьдзя спыненае, паведаміў галоўны архітэктар Віцебску Андрэй Макееў.

Царкоўны трыкстар, сьпікер і апалягет, абаронца Наваросіі – так  пазыцыянуе сябе Павал Шульжонак на сваёй старонцы «УКантакце».  9 лістапада ён зьбіраўся наведаць Віцебскдзеля ўдзелу ў Міжнародным царкоўна-грамадзкім і навукова-асьветніцкім Ірынінскім форуме «Духоўныя асновы славянскага сьвету», але на мерапрыемстве так і не зьявіўся.

Каля возера Балдук у вёсцы Станчыкі Пастаўскага раёну бізнэсовец са сталіцы задумаў пабудаваць праваслаўны храм. Супраць гэтага выступілі мясцовыя жыхары і эколягі, апанэнты сустракаліся ў судзе. Пра гэта журналісты пісалі год таму. Мы вырашылі даведацца, што адбываецца ў вёсцы цяпер.

Апублікавана ў Экалёгія

Недзе сто жыхароў Віцебску прыйшлі на сустрэчу з прадстаўнікамі гарвыканкаму, прызначаную на 13 кастрычніка. Сустрэча адбылася ля пляцоўкі ў парку Партызанскай славы, агароджанай дзеля будаўніцтва Сафійскага сабору.

Апублікавана ў Культурныя правы