Прэзэнтацыя кнігі «Турма, мужчына і жанчына. Як сядзяць у сучаснай Беларусі» прайшла 30 жніўня ў «Эўрапейскім клюбе». На сустрэчы прысутнічала аўтарка – Алена Струвэ, гарадзкія актывісты, а таксама адзін з герояў кнігі – былы палітвязень Сяргей Парсюкевіч.

У межах “Сьвята ветру” 23 чэрвеня ў Віцебску прэзэнтавалі альтэрнатыўны сцэнар разьвіцьця беларускай энэргетыкі. Сцэнар энэргетычнай [р]эвалюцыі быў створаны па мэтадалёгіі Greenpeace, і ў ім няма месца атамнай энэргіі. Паводле аўтараў канцэпцыі, Беларусь мае магчымасьць у 2050 годзе атрымліваць 86% усёй энэргіі праз узнаўляльныя крыніцы – вецер, сонца і біямасу.

У Віцебску гісторык Алесь Пашкевіч, выдавец Валер Булгакаў і паэт-перакладчык Уладзімер Папковіч правялі лекцыю «Савецкія партызаны ў Беларусі: міты і рэчаіснасьць». Асноўная частка сустрэчы, што прайшла 14 чэрвеня, была прысьвечаная прэзэнтацыі кнігі з падобнай назвай: «Савецкія партызаны ў 1941-1944 гг. Міты і рэчаіснасьць».

Вінцук Вячорка, адзін з распрацоўшчыкаў сучаснай вэрсіі беларускага клясычнага правапісу і вядомы беларускі мовазнаўца, а таксама журналіст, правёў у Эўрапейскім клюбе прэзэнтацыю сваёй новай кнігі «Не сьмяшыце мае прыназоўнікі».

Як высьветлілася, людзей, якія захапляюцца кнігамі Ўладзімера Арлова, у абласным цэнтры шмат. Перапоўненая заля ледзь магла зьмясьціць усіх прыхільнікаў творчасьці вядомага беларускага пісьменьніка, паэта і гісторыка.

Аўтар «Плебейскіх гульняў» і «Штрыхкодаў» прэзэнтаваў 12 студзеня свае кнігі ў Эўрапейскім клюбе Віцебску.

Беларускі палітык і пісьменьнік Павал Севярынец прэзэнтаваў 14 студзеня ў Віцебску першую частку раману “Беларусалім” – кнігі, якую пісаў цягам апошніх 12 гадоў. Паводле слоў аўтара, “гэта кніга пра Беларусь, якая прачынаецца ў цемры”. Віцебская прэм’ера “Беларусаліму” выклікала вялікую цікавасьць і чаканы аншляг.

Прэзэнтацыя “Беларусаліма” для аўтара была ня першай, але ў Полацку сталася для яго падзеяй асаблівай. Пра гэта сказаў 12 сьнежня на сустрэчы з палачанамі сам Павал Севярынец.

Вядомы віцебскі паэт і перакладчык Уладзімер Папковіч прэзэнтаваў у “Эўрапейскім клюбе” сваю новую кнігу вершаў “На шляху лёсу”. Сустрэча з пісьменьнікам вылілася ў шчырую размову пра лёсы людзей, уплеценыя ў лёс Айчыны. Гаворка вялася пра мову, кнігі, каханьне і… страх.