Левінаў папрасіў Ярмошыну напісаць заяву на Лукашэнку ў Сьледчы камітэт
Праваабаронца Павал Левінаў зьвярнуўся да старшыні ЦК па выбарах Лідзіі Ярмошынай з просьбай адмовіць Лукашэнку ў рэгістрацыі ў якасьці кандыдата на прэзыдэнцтва. На падставе таго, што прэтэндэнт у кандыдаты Лукашэнка выказвае пагрозы жыцьцю простых выбарцаў, папрасіў таксама Ярмошыну паскардзіцца на яго ў Сьледчы камітэт. Ярмошына даслала ліст у адказ.
Смолікаў патрабуе ад Інстытуту гісторыі НАН ініцыяваць прызнаньне народных мэмарыялаў
Сябры грамадзянскай ініцыятывы «Хайсы – віцебскія Курапаты» працягваюць змагацца за стварэньне і прызнаньне ўжо існых мэмарыялаў на месцах пахаваньняў ахвяраў палітычных рэпрэсій. Гэтак, 20 красавіка сябра ініцыятывы Канстанцін Смолікаў даслаў скаргу на імя дырэктара Інстытуту гісторыі НАН Вячаслава Даніловіча і загадчыка аддзелу найноўшай гісторыі Беларусі Сяргея Трацяка. Нядаўна атрымаў адказ.
Завод «Прыдзьвіньне» вырабляе штодзень 5000 літраў сьпірту для дэзынфэктараў
Віцебскі лікёра-гарэлачны завод «Прыдзьвіньне» штодзень вырабляе да 5000 літраў сьпірту для вытворчасьці сродкаў дэзынфэкцыі. Пра гэта паведаміў намесьнік старшыні Віцебскага гарвыканкаму Віктар Глушын у адказе на зварот актывісткі БХД Тацяны Севярынец. Чыноўнік сьцьвярджае, што на сёньня ўсе ўстановы аховы здароўя гораду забясьпечаныя лекавымі сродкамі ў поўным аб'ёме.
Больш за 5000 зваротаў у пракуратуру за год, зь іх 27% – задаволеныя
У 2019 годзе ў органах пракуратуры Віцебскай вобласьці было разьвязана больш за 5000 зваротаў грамадзян. З гэтай колькасьці цалкам ці часткова было задаволена 27% зваротаў, паведамляе арганізацыйна-кантрольны аддзел пракуратуры Віцебскай вобласьці.
“Мікрараён Білева патанае ў брудзе”. Віцябляне скардзяцца на брак дворнікаў
Жыхары віцебскага мікрараёну Білева зьбіраюць подпісы пад пэтыцыяй, у якой патрабуюць ад уладаў зрабіць захады для прыбіраньня сьмецьця і прывядзеньня тэрыторыі мікрараёну ў належны санітарны стан.
Накіраваны яшчэ адзін зварот супраць пабудовы катла для спальваньня коксу ў Наваполацку
“Патрабуем спыніць працэс праектаваньня і пабудовы катла для спальваньня нафтавага коксу на Наваполацкай ЦЭЦ”, – заклікаюць гараджане ў пэтыцыі на пляцоўцы “Зручны горад”. Аўтары звароту мяркуюць, што пабудова катла “значна павялічыць выкіды шкодных рэчываў у атмасфэрнае паветра”.
Павал Левінаў просіць не выносіць сьмяротны прысуд абвінавачанаму ў забойстве дзьвюх жанчын
Праваабаронца Павал Левінаў зьвярнуўся да ўсіх судзьдзяў судовай калегіі па крымінальных справах Віцебскага абласнога суду з просьбай не караць сьмерцю падазраванага ў забойстве дзьвюх жанчын у вёсцы Прысушына Віцебскага раёну. Зварот да судзьдзяў Левінаў напісаў пасьля таго, як даведаўся што справа меркаванага забойцы ўжо паступіла на разгляд у аблсуд.
Віцебскі судзьдзя Ільля Белавус зноў застанецца бяз прэміі?..
Судзьдзя Кастрычніцкага суду Віцебску Ільля Белавус у пастанове, якую склаў на актывіста Уладзімера Кійко, памылкова ўказаў, што той меў раней адміністрацыйныя спагнаньні. Як палічыў праваабаронца Павал Левінаў гэтым самым Белавус замахнуўся на гонар і годнасьць грамадзяніна і папрасіў Вярхоўны суд разгледзець пытаньне аб прафпрыдатнасьці судзьдзі.
Праваабаронца прасіў амніставаць Жамчужнага – яму адказалі аб амністыі па арт. 328
Віцебскі праваабаронца Леанід Сьвецік зьвярнуўся да дэпутатаў ПП НС з прапановай унесьці ў закон аб амністыі асобаў, асуджаных па артыкулах 375, 376 і 431 КК РБ, паводле якіх адбывае зараз пакараньне палітвязень Міхаіл Жамчужны. У адказе з Палаты – ні слова пра згаданыя артыкулы і Жамчужнага. Дэпутаты напісалі аб магчымасьці ўжываньня “акту гуманізму” да асуджаных па арт. 328 КК.
ФК “Віцебск”: Любім Беларусь, але будзем карыстацца расейскай мовай
Таварыства беларускай мовы прасіла ФК “Віцебск” напісаць прозьвішчы гульцоў на футболках па-беларуску. Кіраўніцтва каманды прапанову ТБМ не падтрымала. Чаму? Такое пытаньне падчас сустрэчы з заўзятарамі перад пачаткам новага сэзону задаў кіраўнікам “Віцебску” адзін з даўнейшых прыхільнікаў клюбу.