Рашэннем адміністрацыі папраўчай калоніі № 9 (г. Горкі) праваабаронцу лаўрэата Нобелеўскай прэміі міру Алеся Бяляцкага змясцілі ў ПКТ. Што стала падставай ізаляцыі палітвязня і за якія парушэнні рэжыму адбыцця пакарання стане вядома, калі ўлады дазволяць яму сустрэцца з адвакатам. Пра гэта паведаміла ягоная жонка Наталля Пінчук падчас выступу на Сусветным форуме за дэмакратыю ў Страсбургу.

Зараз у чатырох папраўчых калоніях, размешчаных у межах Віцебскай вобласці, адбываюць крымінальнае пакаранне ў выглядзе пазбаўлення волі 265 палітычных зняволеных. У Віцебскім абласным следчым ізалятары №2 знаходзяцца пад следствам ці ўжо асуджаныя крыху больш за 20 палітвязняў. Знаходзячыся ў зняволенні ў дачыненні да ўсіх "палітычных" раз по раз могуць прымяняцца дысцыплінарныя пакаранні ў выглядзе памяшкання на розныя тэрміны ў карцэр, штрафны ізалятар (ШІЗА) або ў памяшканне камернага тыпу (ПКТ).

Анархіста Яўгена Рубашку, які родам з Глыбокага, і якога ў красавіку 2022 года асудзілі да пяці гадоў пазбаўлення волі, змясціла ў памяшканне камернага тыпу (ПКТ) на месяц. Ён адбывае сваё пакаранне ў бабруйскай калоніі № 2. Да гэтага хлопца тройчы змяшчалі ў ШІЗА на 10, 7 і 7 сутак за надуманыя парушэнні правілаў унутранага распарадку.

Кожны дзень яшчэ некалькі соцен палітзняволеных таксама сутыкаюцца з адвольнымі пазбаўленнямі перадач, спатканняў і званкоў. Некаторых з іх працягваюць змяшчаць у ШІЗА, ПКТ і карцары. Таму распавядаем, якія абмежаванні ўжываюцца ўладамі ў адносінах да палітычных вязняў, каб пагоршыць ім умовы ўтрымання.

На пачатку траўня віцебскія праваабаронцы атрымалі чарговы ліст ад Міхаіла Жамчужнага. Палітвязень паведамляе калегам-праваабаронцам, што ўмовы адбыцьця пакараньня апошнім часам адносна палепшыліся. Піша пра свае патрэбы і пра тое, што адкрыліся магчымасьці, каб працягваць абараняць свае правы.

Кіраўніцтва папраўчай калёніі №9 пастанавіла ад 12 сьнежня перавесьці палітвязьня Міхаіла Жамчужнага са штрафнога ізалятару (ШІЗА) ў памяшканьне крытага тыпу (ПКТ). Пра гэта ў лісьце да віцебскіх праваабаронцаў паведаміў сам Міхаіл Жамчужны.

Упершыню за апошнія шэсьць месяцаў віцебскія праваабаронцы атрымалі ліст ад палітвязьня Міхаіла Жамчужнага. Ён піша, што за апошнія паўгода накіраваў у Віцебск тры лісты, але ў адказ нічога не атрымаў. Гэтая акалічнасьць зьдзіўляе віцебскага праваабаронцу Леаніда Сьвеціка.

Палітзэк Міхаіл Жамчужны даслаў ліст падзякі Магілёўскай абласной грамадзкай назіральнай камісіі (ГНК). Камісія, у якой удзельнічае праваабаронца Барыс Бухель, наведала папраўчую калёнію №9 (г. Горкі) 13 сакавіка. Адміністрацыя калёніі забараніла сустрэцца з палітвязьнем, але, як высьветлілася, вынік ад прыезду камісіі быў. Пра гэта сябры ГНК даведаліся зь ліста самога Жамчужнага, які прыйшоў напрыканцы траўня.

Вязьня папраўчай калёніі № 9 Міхаіла Жамчужнага зноў пакаралі 10 суткамі карцэра. Пра гэта паведаміў праваабаронца Андрэй Бандарэнка, які атрымаў зьвесткі пра Міхаіла Жамчужнага пасьля візыту адваката вязьня ў Горацкую калёнію.

Палітвязень Міхаіл Жамчужны, ліставаньне зь якім адсутнічала некалькі месяцаў, нарэшце атрымаў магчымасьць пісаць лісты сваім калегам, сябрам, паплечнікам і праваабаронцам. Зь ліста, які атрымала праваабаронца Тацяна Равяка, стала вядома, што Міхаіл Жамчужны з 6 студзеня адпраўлены на адзін месяц у памяшканьне камэрнага тыпу (ПКТ).