Папярэджаньне вынесла камісія Кастрычніцкай выбарчай акругі № 20 на падставе матэрыялаў праверкі, праведзенай Кастрычніцкім райаддзелам міліцыі Віцебску.

Віцебская актывістка партыі АГП Ірына Яскевіч зьяўляецца кандыдатам па Віцебскай-Кастрычніцкай акрузе №20. У адказ на выказанае жаданьне зладзіць інфармацыйныя пікеты яна пачула: “Да 10 верасьня ўсе пляцоўкі ўжо расьпісаныя і занятыя. Дамаўляйцеся самі з вашымі канкурэнтамі”. Аднак дамаўляцца няма з кім: пікетаў у вызначаных месцах ніхто не праводзіць.

Дзьмітры Якаўлеў, сябар АГП з Наваполацку, меў намер балятавацца кандыдатам у дэпутаты парлямэнту па Наваполацкай выбарчай акрузе №24. Аднак сакратар камісіі адмовілася прыняць у яго дакумэнты, спаслаўшыся на адсутнасьць даведкі з ЗАГСу.

У Віцебскай вобласьці кандыдатамі ў дэпутаты ніжняй палаты парлямэнту вылучаныя 86 чалавек, пры гэтым больш за 70% прэтэндэнтаў дэлегаваныя палітычнымі партыямі, паведамілі ў абласной выбарчай камісіі.

Падчас фармаваньня ўчастковых выбарчых камісіяў (УВК) раённыя адміністрацыі Віцебску не ўключылі ў іх склад прадстаўнікоў апазыцыйных палітычных структур. Такім чынам, улады падстрахаваліся ад непрыемных нечаканасьцяў падчас падліку галасоў.

Прэтэндэнты на рэгістрацыю ў якасьці кандыдатаў у дэпутаты Палаты прадстаўнікоў ад апазыцыйных партыяў і рухаў разам са сваімі паплечнікамі правялі ля гандлёвага цэнтру «Марка-сіці» сумесны пікет і агітацыйнае мерапрыемства.

Сябра Аб'яднанай грамадзянскай партыі Ірына Яскевіч зьбірала подпісы, неабходныя для яе рэгістрацыі кандыдатам у дэпутаты, побач зь віцебскім гандлёвым цэнтрам «Эвіком». Падтрымаць сваю паплечніцу на пікет прыйшлі і сябры яе ініцыятыўнай групы.

У актавай залі гатэлю «Віцебск» 20 чэрвеня прайшла канфэрэнцыя індывідуальных прадпрымальнікаў зь Віцебску.

17 лютага ў Маскоўскім судзе Менску адбыліся працэсы над прадпрымальніцай Ірынай Яскевіч зь Віцебску і старшынём АГП Анатолем Лябедзькам за акцыю 18 студзеня на плошчы Незалежнасьці ў сталіцы. Завочна таксама асуджаныя да штрафаў актывісты Артур Адамян і Ніна Багінская.

Заяўкі на правядзеньне пікетаў 27 ліпеня ў гонар прыняцьця дэклярацыі аб незалежнасьці Беларусі падавалі сябры Аб’яднанай грамадзянскай партыі. У горадзе павінна было прайсьці тры пікеты - каля Кургану Бесьсьмяротнасьці, каля кавярні “Аронія” і ў парку культуры і адпачынку Тэкстыльшчыкаў. Аднак усе тры заяўкі Аршанскі райвыканкам не задаволіў, бо арганізатары не змаглі далучыць да заявак падпісаныя дамовы зь міліцыяй, хуткай дапамогай і прыбіральшчыкамі.