Згодна са статыстыкай, у 2023 годзе, судамі першай інстанцыі за заняцце прастытуцыяй (ч.1 арт.19.5 КаАП РБ) было вынесена 54 пастановы ў дачыненні да 44 жанчын і 10 мужчын, якія пражывалі на тэрыторыі Віцебскай вобласці. За тры месяцы бягучага года за аказанне інтымных паслуг судамі былі пакараныя 22 чалавекі (19 жанчын і 3 мужчыны). Найбольш прастытуіраванымі гарадамі з'яўляюцца Віцебск, Орша, Полацк і Наваполацк.

Суддзя суда Чыгуначнага раёна суддзя Віцебска Дар'я Шайкова 28 лютага за і дэманстрацыю нацысцкай сімволікі і правядзенне недазволенага ўладамі масавага мерапрыемства ў сацыяльных медыя аштрафавала на 2600 рублёў віцебскую прарасійскую актывістку маці трох непаўналетніх дзяцей Эльвіру Мірсалімаву.

Старшыня суда Пастаўскага раёна суддзя Наталля Жукава 14 лютага за атрыманне замежную бязвыплатную дапамогу аштрафавала на 1000 рублёў палітвязня Людмілу Цыбульскую, якая адбывае хатнюю “хімію”. Таксама жанчына абавязана судом пералічыць у даход дзяржавы кошт атрыманай гуманітарнай дапамогі.

Суддзя суда Наваполацка Зінаіда Балаболава 12 сакавіка за спасылку ў сацыяльнай сетцы на “экстрэмісцкі” інфармацыйны рэсурс аштрафавала на 1200 рублёў Аляксандра Правіцкага.

Старшыня суда Пастаўскага раёна суддзя Наталля Жукава 14 лютага за атрыманне замежнай бязвыплатнай дапамоги аштрафавала на 1000 рублёў непрацуючую маці трох непаўналетніх дзяцей Ірыну Хрыстлейд. Таксама яна абавязаная судом пералічыць у даход дзяржавы кошт прадмета адміністрацыйнага правапарушэння - 1083,26 рублёў атрыманых грашовых сродкаў.

Старшыня суда суддзя суда Верхнядзвінскага раёна Віктар Баліка 7 сакавіка за распаўсюджванне «экстрэмізму» ў сацыяльных сетках аштрафаваў на 1200 рублёў кіроўцу-дальнабойшчыка Сяргея Нікіціна. Адміністрацыйная справа была разгледжана без удзелу "правапарушальніка".

Суддзя суда Першамайскага раёна Віцебска Наталля Карабліна 20 лютага за незаконнае выкарыстанне замежнай бязвыплатнай фінансавай дапамогі аштрафавала на 800 рублёў былую жонку палітвязня Алега Яфрэменка, Мар'яну. Акрамя таго, суддзя пастанавіла спагнаць з «правапарушальніцы» ў даход дзяржавы 2945,03 рублёў ЗБД. Дапамога была атрымана ў выглядзе харчавання праз інтэрнэт-краму.

Суддзя суда Наваполацка Зінаіда Балаболава 29 лютага за незаконнае выкарыстанне замежнай бязвыплатнай фінансавай дапамогі аштрафавала на 600 рублёў жонку палітвязня Аляксандра Капшуля, Аксану Капшуль. Акрамя таго, суддзя пастанавіла спагнаць з «правапарушальніцы» ў даход дзяржавы 1993,48 рублёў ЗБД. Дапамога была атрымана ў выглядзе тавараў праз інтэрнэт-краму.

Суддзя суда Наваполацка Зінаіда Балаболава 27 лютага за распаўсюд “экстрэмізму” ў сацыяльнай сетцы аштрафавала на 800 рублёў мясцовую жыхарку Святлану Тарасевіч.

Суд Верхнядзвінскага раёна Таццяна Кукліна 19 лютага за падпіску на «экстрэмісцкае» тэлебачанне аштрафавала на 1000 рублёў маці двух малалетніх дзяцей Таццяну Лапкоўскую.