Ініцыятар “справы мэдыкаў” абвінаваціў Віцебскі аблвыканкам у патураньні браканьерам
Пэнсіянэр і былы старшы памочнік Беларускага вайсковага пракурора Васіль Бельмач, які ў свой час ініцыяваў “справу мэдыкаў”, абвінаваціў начальніка дзяржінспэкцыі аховы жывёльнага і расьліннага сьвету Юрыя Церцеля ў карупцыі, а чыноўнікаў Віцебскага аблвыканкаму Алега Мацкевіча і Ўладзімера Белавуса – у пакрыцьці незаконнай рэалізацыі рыбалоўных сетак у Віцебскай вобласьці.
На “Талацэ” зьбіраюць грошы на выданьне 5-га тому “Дзёньнікаў і запісаў” Рыгора Барадуліна
Чатыры папярэднія тамы “Дзёньнікаў і запісаў” Барадуліна былі выдадзеныя ў 2015-2017 гадох у выдавецтве “Кнігазбор” пры дапамозе Згуртаваньня беларусаў сьвету “Бацькаўшчына” і Саюзу пісьменьнікаў Беларусі. Каб выдаць пяты том, неабходна каля 3,5 тыс. рублёў.
830 рублёў?.. Толькі тры са 108 вакансіяў у Віцебску прапануюць “сярэдні” заробак паводле Белстату
Толькі тры са 108 актуальных і самых сьвежых вакансіяў, выстаўленых на сайце дзяржаўнай службы занятасьці, дасягаюць заяўленага нядаўна Белстатам памеру сярэдняга заробку па Віцебскай вобласьці. Паводле Нацыянальнага статыстычнага камітэту, сярэдні заробак па Віцебшчыне ў ліпені 2018 году склаў 830 рублёў…
У Віцебску пабудуюць футбольны манэж за 5,5 млн. рублёў – грамадзкае абмеркаваньне
Ад 3-га да 27-га верасьня ў Віцебску пройдзе грамадзкае абмеркаваньне архітэктурна-пляніровачнай канцэпцыі эскізу будаўніцтва футбольнага манэжу дзіцяча-юнацкай школы ФК “Віцебск”. Манэж мяркуюць пабудаваць на праспэкце Люднікава ў раёне ЦСК “Віцебск”. Прыблізны кошт будаўніцтва – 5 млн. 547 тыс. рублёў.
Колькі зь 1 верасьня будзе каштаваць навучаньне ў віцебскіх ВНУ
Зь 1 верасьня зноў падвышаюцца кошты на навучаньне ў вышэйшых навучальных установах для студэнтаў-платнікаў. Гэтак, віцебскія ВНУ падвысілі гадавы кошт навучаньня ў сярэднім на 300-400 рублёў.
Збор сродкаў на выкуп бацькоўскай хаты Караткевіча ў Воршы абвесьцяць у верасьні
Напрыканцы ліпеня на сайце realt.by зьявілася абвестка аб продажы бацькоўскай хаты Уладзімера Караткевіча ў Воршы. Менавіта ў гэтым доме Караткевіч напісаў сваё славутае “Дзікае паляваньне караля Стаха”. Аршанскія актывісты прапануюць усёй грамадой выкупіць дом і зрабіць у ім культурніцкую пляцоўку.
“Па 500 тут няма”. Судзьдзя Віцебскага аблсуду Смалякова пастанавіла зьнішчыць плякат аршанца
Віцебскі абласны суд разгледзеў 27 чэрвеня скаргу аршанца Рамана Кузьмянкова на пастанову суду Аршанскага раёну і гораду Воршы, які пакараў яго штрафам у памеры 22 б.в. за пікет з плякатам “Па 500 тут няма” (ч.3 арт. 23.34 КаАП). Судзьдзя аблсуду Ірына Смалякова пакінула пастанову бязь зьменаў, а скаргу не задаволіла. Указаньне аб “канфіскацыі пляката” замяніла на яго “зьнішчэньне”…
Грамадзкае абмеркаваньне будаўніцтва Бешанковіцкай ГЭС скончылася – ніводнага водгуку
Грамадзкія абмеркаваньні справаздачы аб ацэнцы ўзьдзеяньня на навакольнае асяродзьдзе будаўніцтва Бешанковіцкай ГЭС праходзілі ў трох раёнах вобласьці – Віцебскім, Шумілінскім і Бешанковіцкім. У Віцебскім раёне абмеркаваньне доўжыліся ад 5 траўня да 3 чэрвеня. Арганізатары не атрымалі за месяц аніводнага водгуку ад насельніцтва.
“Вольга – легенда”. Віцебскі гарвыканкам адказаў на пэтыцыю супраць помніка княгіні Вользе
На пачатку красавіка быў абвешчаны збор подпісаў пад пэтыцыяй супраць усталяваньня ў Віцебску помніка княгіні Вользе. Аўтары калектыўнага звароту назвалі 7 прычын, чаму гэты помнік будзе недарэчным у абласным цэнтры. 17 траўня атрымалі адказ: падставаў, каб адмовіцца ад праекту, няма.
“Уганаруйма творцу разам!” Абвешчаны збор сродкаў на арганізацыю імпрэзы ў Бычках
На краўдфандынгавай пляцоўцы “Талака” абвясьцілі збор сродкаў на арганізацыю цырымоніі ўручэньня прэміі імя Васіля Быкава «За свабоду думкі». Імпрэза ганараваньня адбудзецца ўжо ў 11-ы раз на радзіме пісьменьніка ў вёсцы Бычкі на Вушаччыне ў чэрвені 2018 году.