Улады ствараюць бачнасць дапамогі людзям, якія маюць судзімасць
У некалькіх раёнах Віцебскай вобласці прайшлі акцыі пад назвай "Альтэрнатыва". Адбылася яна і ў Докшыцкім раёне, у будынку РАУС. Паводле сайта “Родныя вытокі”, у мэтах устаранення прычын і ўмоў, якія садзейнічаюць учыненню злачынстваў, асобамі, якія маюць судзімасць, аказання ім дапамогі ў бытавым і працоўным уладкаванні, стварэння ў гэтай катэгорыі грамадзян альтэрнатывы вядзення прыстойнага ладу жыцця ў процівагу антыграмадскаму, 28 сакавіка ў аддзеле ўнутраных спраў Докшыцкага райвыканкама адбылося пасяджэнне наглядальнай камісіі.
У Гарадку на экскурсію ў РАУС звадзілі выхаванцаў дзіцячага садка
Паводле раённай газеты «Гарадоцкі веснік», для дзяцей са старэйшай групы (5-6 гадоў) «правялі захапляльную экскурсію» і расказалі «пра цяжкасці, вялікую адказнасць і прэстыж прафесіі міліцыянта». Дашкольнікам паказалі і далі патрымаць у руках гумавыя дручкі і нават дазволілі прымерыць экіпіроўку – шлемы і бронекамізэлькі. Удзельнікамі экскурсіі сталі выхаванцы дзіцячага садка №2 – таго самага, дзе выхаваўчая работа з дзецьмі вядзецца ў ідэалагічным плане настолькі сур'ёзна, што часам выклікае шчыры рогат.
На Лепельшчыне міліцыянты заахвочваюць людзей стаць дружыннікамі
Праз мясцовую раёнку яны нагадваюць, што дружыннікі не засталіся ў савецкім мінулым і што яны зараз таксама патрэбныя. Таксама міліцыянты тлумачаць, каго возьмуць у дружыннікі і якія “плюшкі” людзі за гэта атрымаюць.
У Шаркаўшчынскім раёне пасяўная праходзіць пад наглядам міліцыянтаў
Як піша сайт шаркаўшчынскай раённай газеты “Кліч Радзімы”, з надыходам вясны і пачаткам палявых работ супрацоўнікі Шаркаўшчынскага РАУС ажыццяўляюць так званы маніторынг сельгаспрадпрыемстваў раёна. Падчас яго правяраюць захаванасць, тэхнічны стан і спраўнасць тэхнікі, умовы, створаныя для забеспячэння захаванасці таварна-матэрыяльных каштоўнасцей, гаруча-змазачных матэрыялаў.
У Віцебску затрыманы самадзейны музыка Аляксей Нябоська. Міліцыянты змусілі яго спяваць дзяржаўны гімн
На Тэлеграм-канале, блізкім да віцебскіх сілавікоў, з'явілася «пакаяльнае» відэа з мужчынам, які кажа пра сябе: «Я той с амы Лёха Павук». Гэта творчы псеўданім Аляксея Нябоські – вулічнага музыкі, выканаўцы песень, якія сталі папулярнымі пасля 9 жніўня 2020г. У тым самым «пакаяльным» відэа затрыманы распавядае і пра тое, што на сваім youtube- канале выкладаў відэазапісы ўласных выступаў, а таксама відэаролікі з фрагментамі масавых мірных пратэстаў. Паводле словаў самога Аляксея Нябоські, яго затрымалі «за распаўсюд экстрэмісцкіх матэрыялаў».
Як газета «Полацкі веснік» расказала гісторыю пра асуджанага да «хіміі» былога начальніка наваполацкай міліцыі
Аповед не ўтрымлівае ні згадак пры былую пасаду і былы дэпутацкі статус асуджанага, ні ягонага імя і прозвішча. Пра інцыдэнт распавядаецца, сцісла: маўляў, нейкі «жыхар Полацка атрымаў тэрмін за супраціўленне супрацоўніку ДАІ». Але тыя, хто сачыў за інцыдэнтам з удзелам былога дэпутата Наваполацкага гарсавета, які на падпітку не справіўся з кіпаваннем уласным аўто, а потым пабіўся з «даішнікам», адразу пазналі ў гэтай асобе Уладзіміра Дуброўскага – чалавека, які ў 2020 годзе асабіста аддаў каманду на гвалтоўнае задушэнне пратэстаў у Наваполацку.
Трактарысты і зваршчыкі краіне не патрэбны. Даеш болей міліцыянтаў!
Вельмі дзіўная імпрэза пра прафесійнай арыентацыі прайшла ў Дубровенскім дзяржаўным аграрна-тэхнічным каледжы. Тады як паўсюдна гавораць пра неабходнасць гадаваць кадры для сельскай гаспадаркі, каб моладзь заставалася працаваць на сяле, навучэнцаў дубровенскага каледжа і старшакласнікаў мясцовай сярэдняй школы агітавалі ісці ў міліцыянты. На сустрэчу з маладымі людзьмі прыехалі прадстаўнікі аддзелаў кадраў розных міліцэйскіх падраздзяленняў, супрацоўнікі АМАПа і ДАІ. Усе яны агітавалі хлопцаў і дзяўчат папоўніць шэрагі сваіх структур.
Глыбоцкія сілавікі пішуць пра тое, што яны атрымалі духоўны зарад ад праваслаўнага святара
Памочнік начальніка Глыбоцкага аддзела Дэпартамента аховы Міністэрства ўнутраных спраў па ідэалагічнай рабоце і кадравым забеспячэнні Сяргей Напорка напісаў пра гэта ў раённай газеце “Веснік Глыбоччыны”.
Улады адмовілі спагнаць маральную шкоду з работніка міліцыі
Суддзя суда Кастрычніцкага раёна Віцебска Аліса Догіль 14 снежня 2023 года адмовілася задаволіць грамадзянскі пазоў прадпрымальніка Льва Гоза ў дачыненні да работніка міліцыі Арцёма Янкоўскага аб кампенсацыі ім маральнай шкоды за антысеміцкія выказванні «сілавіка». Пацярпелы, за прычыненне наўмыснага знявагі гонару і годнасці, выяўленага ў непрыстойнай форме, прасіў суд спагнаць з крыўдзіцеля 10 тысяч рублёў.
Спыніў дзейнасць інтэрнэт-рэсурс, блізкі да віцебскіх сілавікоў. Скончыліся грошы або міліцыянтаў пакаралі за незаконныя «Злівы»?
Апошняя публікацыя у групе «Северная столица (Vitebsk news)» сацсеткі «ВКонтакте» датаваная 15-м лістапада. Тут цягам апошніх месяцаў публікаваліся відэаролікі з фрагментамі «пакаянных відэа», запісаных віцебскімі сілавікамі.