Цэнзар у віцебскім СІЗА -2 не ведае беларускай мовы, а просіць не карыстацца ёй у лістах
Пра такі выпадак стала вядома ў дачыненні да палітвязня Анатоля Латушкі, якому «настойліва раяць» не пісаць лісты па-беларуску, бо цэнзар не вывучала беларускую мову і зусім яе не разумее. Праз гэта лісты на дзяржаўнай мове не даходзяць да палітзняволенага, але ён прынцыпова працягвае ліставанне па-беларуску.
Віцебская прапагандыстка «русского мира» выступае за вынішчэнне беларускай мовы на шыльдах і ўказальніках
Пра неабходнасць «вярнуць на ўказальнікі рускую мову» сустаршыня аргкамітэту руху «Гражданское согласие» Эльвіра Мірсалімава заявіла ў інтэрв’ю інфармацыйнай агенцыі REGNUM. Крыху раней у сацыяльных сетках яна скардзілася на тое, што яе «прарасейская дзейнасць» не знаходзіць падтрымкі ў беларускім грамадстве. Вырашыўшы тэрмінова прыцягнуць увагу да свае персоны, Эльвіра Мірсалімава далучылася да дыскусіі, якая ўжо месяц як трывае на розных прарасейскіх інтэрнэт-рэсурсах, – пра беларускую лацінку ў інфармацыйна-візуальнай прасторы.
Газета «Віцьбічы» успомніла пра родную мову. І тут жа забылася
Роўна месяц таму гарадская газета «Віцьбічы» абвясціла, што запачаткоўвае новую рубрыку – «моўны кейс». Тут планавалася «запрашаць да гутаркі экспертаў-мовазнаўцаў, разбірацца ў спецыфічных правілах, шукаць трапныя адпаведнікі рускім словам і выразам». Але за цэлы месяц ніводнага артыкулу ў гэтай рубрыцы не з’явілася. Апрача першага – «абяцальнага».
У хуткім часе на сайтах віцебскіх прадпрыемстваў і ўстаноў павінны з’явіцца беларускамоўныя старонкі
Жыхарка Мінска Зоя Доля амаль увесь свой вольны час выкарыстоўвае каб павялічыць ужывання беларусскай мовы на сайтах дзяржаўных прадпрыемстваў і ўстаноў Віцебскай вобласці. Нечакана, але яна знайшла ў гэтай справе паразуменне і падтрымку збоку кіраўніцтва Галоўнага ўпраўлення ідэалагічнай работы і па справах моладзі Віцебскага аблвыканкама.
Таццяна Севярынец ініцыявала флэшмоб-апытанку да Дня роднай мовы
Віцебская актывістка і маці палітвязня Таццяна Севярынец прапанавала ўсім ахвотным падзяліцца ўспамінамі на тэму «Як я пачаў размаўляць па-беларуску». Такую прапанову яна агучыла на сваёй старонцы ў «Фэйсбуку». А распачаў флэшмоб Павел Севярынец – вядомы беларускі палітык і палітвязень, вытрымкі з ліста якога цытуе ў допісе ягоная маці.
Віцебскае ТБМ прапануе ўвесьці анкетаваньне бацькоў наконт мовы навучаньня ў школах
Прапанова ўвесьці абавязковае анкетаваньне бацькоў будучых першаклясьнікаў для вызначэньня мовы навучаньня іх дзяцей прагучала 5 сакавіка на сходзе Віцебскай гарадзкой арганізацыі «Таварыства беларускай мовы імя Францішка Скарыны» (ТБМ). З гэтай прапановай сябры арганізацыі зьвернуцца ў гарадзкі аддзел адукацыі.
Дыктоўку на роднай мове ў Віцебску напісалі некалькі чыноўнікаў з аблвыканкаму
13-ю агульнанацыянальную дыктоўку, прысьвечаную Дню роднай мовы, напісалі 22 лютага больш за 50 віцяблян. Ці не ўпершыню ў такой імпрэзе ўзялі ўдзел чыноўнікі Віцебскага аблвыканкаму – начальнік упраўленьня культуры Пётар Падгурскі і кіраўнік галоўнага ўпраўленьня ідэалягічнай працы і па справах моладзі Генадзь Ягораў.
У Віцебску адкрылася выстава ілюстрацый да “Айчыны” Ўладзімера Арлова
У віцебскім арт-цэнтры VZAP адкрылася выстава ілюстрацый Паўла Татарнікава да кнігі Уладзімера Арлова “Айчына: маляўнічая гісторыя ад Рагнеды да Касьцюшкі”. На адкрыцьці прысутнічалі і мастак, і пісьменьнік. Уладзімер Арлоў прэзэнтаваў таксама іншыя свае кнігі.
ФК “Віцебск”: Любім Беларусь, але будзем карыстацца расейскай мовай
Таварыства беларускай мовы прасіла ФК “Віцебск” напісаць прозьвішчы гульцоў на футболках па-беларуску. Кіраўніцтва каманды прапанову ТБМ не падтрымала. Чаму? Такое пытаньне падчас сустрэчы з заўзятарамі перад пачаткам новага сэзону задаў кіраўнікам “Віцебску” адзін з даўнейшых прыхільнікаў клюбу.
“Патрабуем адстаўкі рэктара ВДУ!” Віцябляне падпісваюцца пад пэтыцыяй да прэзыдэнта
“Мы патрабуем адстаўкі рэктара ВДУ імя Машэрава Аляксея Ягорава, са згоды якога праводзіліся імпрэзы, скіраваныя, на нашу думку, супраць сувэрэнітэту Рэспублікі Беларусь...” – гаворыцца ў пэтыцыі, апублікаванай на пляцоўцы “Зручны горад”. За дзень пад зваротам падпісаліся больш за 100 віцяблянаў.