У выпадку вызначэньня прозьвішча канкрэтнага чалавека, можна было б дэталізаваць час пахаваньня і паставіць канчатковую кропку ў спрэчках прыхільнікаў двух супрацьлеглых поглядаў. Як вядома, чыноўнікі схіляюцца да вэрсіі, што ў лесе пад Хайсамі ляжаць ахвяры фашыстаў, а грамадзкія актывісты перакананыя, што людзі, пахаваныя тут, былі забітыя за часамі сталінскіх рэпрэсіяў.

Подпісы да старшыні аблвыканкаму зьбіраюцца ў вёсках Хайсы і Дрыкольле. Віцебскія актывісты не губляюць надзеі на тое, што кіраўніцтва вобласьці дасьць дазвол на ўсталяваньне памятнага крыжа на месцы масавых расстрэлаў недалёка ад вёскі Хайсы.

Калі грамадзкасьць не запатрабуе праўдзівага расьсьледаваньня, парэшткі рэпрэсаваных ізноў пахаваюць як ахвяраў фашыстаў, упэўненыя актывісты аргкамітэту грамадзянскай ініцыятывы «Хайсы».

Цяпер ён разьмяшчаецца ў абласным цэнтры па адрасе вул. Кірава, д. 7/13. Цяперашнія камфортныя габінэты з сучаснай аргтэхнікай і новай мэбляй не параўнаць з ранейшымі зацеснымі ўмовамі ў былым памяшканьні раённага суду. Улазіны сабралі шмат гасьцей: прадстаўнікоў органаў улады, вышэйстаячых арганізацыяў, праваахоўнага ведамства, калегаў.

У адпаведнасьці з рашэньнем Віцебскага райвыканкаму па пляне зносу лядашчага жытла ў 2013-2015 гадох трэба было разбурыць 51 такі дом. Зьнесьлі больш: у 2013 годзе 17, у 2014-м – 28, у 2015-м – 37. На пэрыяд 2016-2017 гадоў вырашана сьцерці з твару зямлі 68 старых дамоў, ужо зьнесена 44.

Старшыня райвыканкаму Генадзь Сабыніч на працоўнай нарадзе зьвярнуў увагу на шэраг хібаў у працы, накіраванай на рацыянальнае выкарыстаньне прыродных рэсурсаў на тэрыторыі раёну, і запатрабаваў ад суб'ектаў гаспадараньня забесьпячэньня на падведамных ім аб'ектах захаваньня патрабаваньняў прыродаахоўнага заканадаўства.

На 32-ой сэсіі Віцебскага райсавету дэпутатаў 27 скліканьня ў якасьці асноўнага пункту парадку дня разглядалася пытаньне “Аб сацыяльна-эканамічным разьвіцьці Віцебскага раёну за студзень-верасень і меркаваных выніках працы за 2016 год”.

Малітва за нявінных ахвяраў масавых расстрэлаў 30-х гадоў XX ст. прайшла 8 лістапада ў лесе каля вёскі Паляі Віцебскага раёну. Увечары моладзь віцебскай каталіцкай парафіі Сьвятога Духа разам з ардынарыем Віцебскай дыяцэзіі Алегам Буткевічам і некалькімі сьвятарамі прыбылі на мэмарыял пад Паляямі, каб ушанаваць памяць тых, хто недалёка ад гэтага месца знайшоў апошні спачынак.

4 лістапада актывісты зь Віцебску ўсклалі жалобны вянок на магілу на вайсковым пахаваньні №4429. Яны ўпэўненыя, улады перапахавалі тут парэшткі ахвяраў сталінскіх рэпрэсіяў, і абураныя тым, наколькі ў нязручным для наведваньня месцы знаходзіцца месца апошняга спачыну забітых нявінных людзей.

Парэшткі расстраляных людзей, знойдзеныя ў лесе каля вёскі Хайсы Віцебскага раёну, перапахавалі ў Лосьвідзе. Паводле афіцыйных зьвестак, пазабіваныя – ахвяры Вялікай Айчыннай вайны. Аднак прадстаўнікі грамадзкасьці, якія правялі ўласнае расьсьледаваньне, упэўненыя: загінулыя – ахвяры сталінізму.