29 кастрычніка мае адбыцца XIII зьезд Таварыства беларускай мовы імя Францішка Скарыны. За месяц да падзеі мы пагутарылі са старшынём Віцебскай абласной філіі ТБМ Юрасём Бабічам. Наш суразмоўца расказаў пра тое, ці ёсьць якія зрухі ў справе перайменаваньня абласной бібліятэкі і ці адкрыюцца калі ў Віцебску беларускамоўныя клясы.

Дзякуючы дапамозе братоў Андрэя і Івана Бакіноўскіх з Заслаўя на магілах бацькоў і сястры народнага пісьменьніка Беларусі Васіля Быкава ўсталявалі надмагільныя помнікі.

У межах сьвяткаваньня 93-х угодкаў зь дня народзінаў Васіля Быкава ў вёсцы Бычкі, што ва Ўшацкім раёне, у дзясяты раз адбылося ўганараваньне прэміяй «За свабоду думкі». Юбілейным ляўрэатам стаў лідэр «Маладога фрону» Зьміцер Дашкевіч.

1 кастрычніка «Мова Нанова» зладзіла талаку ва Ўшачах. Ахвотных давесьці да ладу тэрыторыю побач з домам народнага паэта назьбіралася 40 чалавек.

Выстава арганізаваная па выніках мастацкага пленэру, які нядаўна прайшоў на радзіме пісьменьніка. Адметнасьць гэтага мерапрыемства ў тым, што сёлета яно праводзілася сумесна з раённымі ўладамі. Адкрыцьцё выставы адбылося ў музэі Народнай славы. На ёй прысутнічалі прадстаўнікі раённай улады на чале з кіраўніком раёну Віктарам Родзічам, мастакі, вэтэраны, прадстаўнікі грамадзкасьці.

Напярэдадні 90-х угодкаў Васіля Быкава створаная ініцыятыўная група па зборы сродкаў на помнік пісьменьніку ў Віцебску. З прапановай усталяваць помнік выступілі шараговыя месьцічы. Ініцыятыўная група зьвяртаецца да жыхароў Віцебшчыны і ўсёй Беларусі, а таксама да грамадзян іншых краін з просьбай узяць удзел у гэтай дабрачыннай акцыі.

У вёсцы Бычкі на Ўшаччыне 19 чэрвеня, у дзень народзінаў Васіля Быкава, былі ўганараваныя ляўрэаты прэміі “За свабоду думкі”. Ляўрэатамі прэміі, якая носіць імя Быкава, сёлета сталі Алесь Марачкін і Зьміцер Вайцюшкевіч. Імпрэзу, арганізаваную рухам “За свабоду”, наведалі літаратары, мастакі, музыкі, палітыкі, экспэрты, журналісты, актывісты зь Менску і Віцебшчыны, прадстаўнікі Ўшацкага райвыканкаму. Агульны добры настрой і цудоўнае надвор’е зрабілі гэты дзень сапраўды сьвяточным і незабыўным.