Каб распавесьці віцебчукам пра магчымыя наступствы ўжываньня наркатычных рэчываў, актывісты кампаніі Legalize Belarus зладзілі 24 лютага лекцыю і дыскусію ў “Бітлз-клюбе”. У сустрэчы ўзялі ўдзел віцебскія праваабаронцы, журналісты, сацыяльныя работнікі і нават – лекары.

Прэзэнтацыю ў Віцебску свайго шостага раману “Ноч” Віктар Марціновіч пачаў з парады не набываць гэтую кніжку і пакінуць яе тым, хто сапраўды прагне. За “Ноччу” ў выніку ўтварылася салідная для Віцебску чарга. Не такая, як да менскай “Акадэмкнігі”, але вельмі прагная. Рэліз “Ночы” адбыўся 18 кастрычніка ў віцебскім “Бітлз-клюбе” пры падтрымцы кампаніі "Будзьма беларусамі!".

У віцебскім “Бітлз-клюбе” 5 кастрычніка адбыўся фэст “Рок за жыцьцё”. Імпрэза распачала Тыдзень супраць сьмяротнага пакараньня, які ад 5 да 10 кастрычніка праходзіць у Беларусі. Ідэю ўвядзеньня мараторыя на сьмяротную кару падтрымалі сваімі выступамі і песьнямі ў Віцебску вядомыя беларускія гурты  Teleport, Re1ikt. РСП (“Разьбітае сэрца пацана”) і NIZKIZ.