Гэта сапраўды так, калі верыць міліцэйскай статыстыцы, якая сцвярджае, што за апошнія 10 год у Віцебскай вобласці назіраецца дынаміка зніжэння злачынстваў па лініі крымінальнага вышуку. Іх колькасць скарацілася на 39 працэнтаў. Забойстваў знізілася на 44 працэнты, фактаў прычынення цяжкіх цялесных пашкоджанняў на 43,6 працэнта. У рэгіёне стала менш разбояў, угонаў аўта- і мотатранспарту, але значна павялічылася колькасць «палітычных» злачынстваў і дэліктаў з выкарыстаннем Інтэрнэту.

У тэлеграм-канале «Северная столица (Vitebsk news)” з“явілася «пакаяннае» відэа вельмі дзіўнага фармату: замест твараў затрыманых, якія распавядаюць пра тое, як яны парушылі заканадаўства, глядач бачыць анімаваныя выявы. Не выключана, што яны маюць знешняе падабенства з рэальнымі людзямі. Але раней лічылася, што менавіта ў тым і заключаецца карысць ад «пакаянных» відэа: каб чалавека пазнавалі родныя, блізкія і калегі, і яму было сорамна за свае ўчынкі. Калі ж чалавечымі галасамі размаўляюць анімаваныя персанажы, гэта выглядае як блюзнерства і здзекі.

Гэтае пытанне паўстае пасля некалькіх канкрэтных выпадкаў, калі раённыя газеты Віцебскай вобласці выкарыстоўвалі фотаздымкі з вядомага парталу, сайт якога быў прызнаны «экстрэмісцкім». Самы свежы прыклад – гэта петыцыя з патрабаваннем правесці праверку Шумілінскай раённай газеты «Герой працы» на прадмет распаўсюду «экстрэмісцкіх матэрыялаў», прычым гэты распаўсюд адбываўся на працягу доўгага часу і сістэматычна.

Ад пачатку 2021 году раённымі судамі Віцебскай вобласці 29 тэлеграм-чатаў, груп і каналаў пратэставага зместу былі прызнаныя экстрэмісцкімі. Аднак на сайце Міністэрства інфармацыі Беларусі не пазначана, за якія канкрэтныя публікацыі суддзі вынеслі рашэнні аб прызнанні таго ці іншага матэрыялу экстрэмісцкім.

У судзе Полацка і Полацкага раёна 14 кастрычніка пачаўся разгляд крымінальнай справы ў дачыненні да 52-гадовай прадаўшчыцы Зухры Берасневай, якая абвінавачваецца адразу па трох артыкулах Крымінальнага кодэкса: абраза прадстаўніка ўлады (арт. 369 КК), гвалт альбо пагроза ўжывання гвалту ў дачыненні да супрацоўніка органаў унутраных спраў (арт. 364 КК) і паклёп (арт.188 КК РБ).

Суд Чыгуначнага раёну гораду Віцебску 1 кастрычніка прызнаў тэлеграм-канал, тэлеграм-чат і ютуб-канал EXOMON экстрэмісцкім. Разгляд грамадзянскай справы заняў усяго 5 хвілін. Рашэнне прымала суддзя Святлана Варатынская. Заяву ў суд з патрабаваннем прызнаць гэтыя рэсурсы экстрэмісцкімі падавала сёмае ўпраўленне ГУБАЗіК МУС па Віцебскай вобласці.

У Беларусі прызнаныя экстрэмісцкімі яшчэ 10 тэлеграм-каналаў і адзін канал у YouTube. Пра гэта 19 ліпеня публічна паведаміла Генпракуратура Беларусі. Сярод закрытых і рэсурс "ЛЕПЕЛЬ-Тэлеграм", які падаваў інфармацыю для жыхароў горада Лепеля, размешчанага ў Віцебскай вобласці.

Праект беларускай бібліятэкі “Камунікат” ажыцьцяўляецца ўжо цягам 19 гадоў. Спачатку стараньнямі некалькіх энтузіястаў, а цяпер – “Беларускім гістарычным таварыствам” Беластоку. На “Камунікаце” сабрана сёньня амаль 40 тысяч беларускіх публікацыяў.

Віцебскі аблвыканкам унёс зьмены ў сацыяльныя стандарты абслугоўваньня насельніцтва Віцебскай вобласьці. Зьмяненьні тычацца нарматываў забясьпечанасьці грамадзян дактарамі агульнай практыкі, брыгадамі хуткай мэдычнай дапамогі і паслугамі шырокапалоснага інтэрнэту.

Крама “Князь Вітаўт” не пратрымалася ў Віцебску і аднаго году. Яна адчынілася ў жніўні 2017-га на праспэкце Фрунзэ, у лютым 2018-га пераехала ў піраміду “Марка-Сіці” і зачынілася амаль адразу пасьля сёлетняга “Славянскага Базару”. Мяркуем, гэта страта для Віцебску…