Чыноўнікі забаранілі праваабаронцу казаць віцебчукам пра правы «дармаедаў»
Тлумачыць палажэньні дэкрэту №3 «Аб папярэджаньні сацыяльнага ўтрыманства» жыхарам Віцебску праваабаронца Леанід Сьвецік меў намер 15 лютага падчас пікету, заяўку на правядзеньне якога ён падаваў у адміністрацыю Чыгуначнага раёну гораду. Аднак, чакана, заяўку мясцовыя ўлады не задаволілі і пікет забаранілі.
КПЧ прызнаў абгрунтаванай скаргу віцебскага праваабаронцы
Камітэт ААН па правох чалавека палічыў, што беларуская дзяржава забаронай на правядзеньне пікету парушыла правы Валера Місьнікава на распаўсюджваньне ўсялякага кшталту інфармацыі і ідэяў. Згодна з рашэньнем Камітэту, Беларусь павінна перагледзець сваё заканадаўства і выплаціць віцебскаму праваабаронцу кампэнсацыю.
Яшчэ адзін пікет у Дзень правоў чалавека забаронены ў Віцебску
10 сьнежня адзначаецца ва ўсім сьвеце як Дзень правоў чалавека. У гэты дзень 68 гадоў таму Генасамблея ААН прыняла Ўсеагульную дэклярацыю правоў чалавека. Чарговую заяўку на пікет у гэты дзень у Віцебску падаваў у мясцовыя органы ўлады праваабаронца Леанід Сьвецік. І – прадказальна: заяўка не задаволеная, пікет – забаронены.
Віцебскія чыноўнікі не далі актывістам АГП правесьці пікеты
Пікеты «За сумленныя выбары, супраць фальсыфікацыяў» меркавалася зладзіць 5 лістапада ў трох розных месцах Віцебску. Аднак раённыя адміністрацыі гораду адмовілі заяўнікам ад Аб'яднанай грамадзянскай партыі ў дазволах на правядзеньне імпрэзаў.
У Віцебску мясцовыя ўлады забаранілі пікеты за байкот выбараў
Заяўкі на імпрэзы падавалі сябры КХП-БНФ у раённыя адміністрацыі Віцебску. Усяго плянавалася правесьці 21 пікет – штодня цягам тыдня па адным на дзень у кожным з трох раёнаў гораду аж да асноўнага дня галасаваньня.
Актывісты КХП-БНФ хочуць заклікаць віцебчукоў байкатаваць выбары
«Лічым, што ва ўмовах дыктатуры выбары немагчымыя па сваёй сутнасьці. Мы будзем прапанаваць выбаршчыкам байкатаваць незаконныя выбары ў "кішэнную палатку"», – гэтак чацьвёра сябраў КХП-БНФ напісалі ў сваіх заяўках на пікеты, пададзеных у адміністрацыі ўсіх раёнаў Віцебску.
У Віцебску забаранілі пікет да 60-годзьдзя Лукашэнкі
Заяўку на акцыю ў адміністрацыю Кастрычніцкага раёну падаваў доктар Ігар Пастноў. Ён паспрабаваў выканаць усе патрабаваньні, рэглямэнтаваныя рашэньнем гарвыканкаму “Аб масавых мерапрыемствах у г. Віцебску”, але дазволу так і не атрымаў.
Савет Міністраў ня хоча зьвяртацца ў Канстытуцыйны суд
Некалькі дзясяткаў жыхароў Віцебску падпісаліся пад калектыўным лістом у Савет Міністраў з просьбай паспрыяць зьмене рашэньня Віцебскага гарвыканкаму №881 “Аб масавых мерапрыемствах у г. Віцебску” і ініцыяваць зварот у Канстытуцыйны суд для праверкі адпаведнасьці гэтага дакумэнту Канстытуцыі Рэспублікі Беларусь. Абласны каардынатар руху “За свабоду” Хрыстафор Жаляпаў атрымаў адказ.
Пікет доктара Пaстнoва да дня народзінаў Лукашэнкі – пад пытаньнем
Гэтае пытаньне паставіла перад арганізатарам адміністрацыя Кастрычніцкага раёну, запатрабаваўшы дамовы на абслугоўваньне акцыі са службай ЖКГ. Незразумела чаму, але дамоваў зь міліцыяй і мэдыкамі, неабходных паводле закону аб масавых мерапрыемствах і ў адпаведнасьці з адмысловым рашэньнем Віцебскага гарвыканкаму, чыноўнікі не патрабуюць.
Жыхары Віцебску патрабуюць вярнуць ім права на правядзеньне пікетаў і мітынгаў
Некалькі дзясяткаў жыхароў Віцебску падпісаліся пад калектыўным лістом у Савет Міністраў з просьбай паспрыяць зьмяненьню рашэньня Віцебскага гарвыканкаму №881 ад 10.07.2009 г., якое рэглямэнтуе правілы звароту да ўладаў з заяўкамі на вулічныя акцыі. Віцебчукі просяць таксама, каб Саўмін ініцыяваў зварот у Канстытуцыйны суд дзеля праверкі адпаведнасьці гэтага дакумэнту Канстытуцыі Рэспублікі Беларусь.