Любоў Кавалёва: Адмена сьмяротнай кары ратуе жыцьцё памылкова асуджаным
Напрыканцы лютага ў Брусэлі прайшоў 7-мы Сусьветны кангрэс супраць сьмяротнага пакараньня. Удзел у панэльнай дыскусіі форуму “Чаму ў Беларусі працягваюць ужываць сьмяротнае пакараньне?” ўзяла і віцяблянка Любоў Кавалёва – маці расстралянага ў 2012 годзе Ўладзіслава Кавалёва. Па вяртаньні ў Віцебск яна падзялілася сваімі развагамі і назіраньнямі.
Любоў Кавалёва: На многія пытаньні няма адказу аж дагэтуль
Маці расстралянага за тэракт у менскім мэтро Ўладзіслава Кавалёва кажа, што да гэтага часу ня лічыць свайго сына вінаватым.
Любоў Кавалёва: Самае страшнае ў кары сьмерцю – імавернасьць памылкі
З 5 па 10 кастрычніка ў нашай краіне з ініцыятывы праваабаронцаў праходзіць Тыдзень супраць сьмяротнага пакараньня. Беларусь – апошняя краіна Эўропы і постсавецкай прасторы, дзе сьмяротнае пакараньне ўжываецца на практыцы...
Любоў Кавалёва: Улад і Дзіма былі адзінымі сьведкамі злачынства спэцслужбаў, таму ўлада не магла пакінуць іх у жывых
Любоў Кавалёва мяркуе, што яе сына расстралялі адразу пасьля апошняга спатканьня – 11 сакавіка 2012 году.
Крэўныя расстралянага Ўладзіслава Кавалёва дамагаюцца раскрыцьця інфармацыі пра месца яго пахаваньня
Вярхоўны суд лічыць скаргу родных Уладзіслава Кавалёва адносна месца пахаваньня расстралянага непадведамаснай агульным судам. Такое рашэньне ўтрымліваецца ў адказе на скаргу Любові Кавалёвай і Тацьцяны Казяр за подпісам намесьніка старшыні Вярхоўнага суду Андрэя Забары. У рашэньні паведамляецца пра тое, што рашэньні суду Кастрычніцкага раёну Менску і Калегіі па грамадзянскіх справах Менскага гарадзкога суду аб непадведамаснасьці разгляду скаргі агульным судам застаюцца ў моцы.
Любоў Кавалёва: “Сьмяротнае пакараньне выносіцца ад імя дзяржавы і народу, а людзі нават пра гэта ня ведаюць”
З нагоды Сусветнага дня супраць смяротнага пакарання ў ПЦ “Вясна” прайшла прэс-канферэнцыя з удзелам праваабаронцаў і сваякоў асуджаных да расстрэлу. На прэс-канферэнцыі прысутнічала маці асуджанага на смерць Уладзіслава Кавалёва. Яна адзначыла, што грамадства недастаткова інфармаванае пра смяротнае пакаранне, многія нават не падазраюць, што дагэтуль у Беларусі захавалася такая мера пакарання. “Я і сама паняцця не мела пра гэта, пакуль сама не сутыкнулася з гэтай праблемай”, - сказала Любоў Кавалёва.
Суд не задаволіў скаргу маці і сястры Ўладзіслава Кавалёва
Калегія Менскага гарадзкога суду адмовіла Любові Кавалёвай і Тацьцяне Казяр у задавальненьні скаргі на дзеяньні суду Кастрычніцкага раёну Менску. Маці і сястра Ўладзіслава Кавалёва, пакаранага сьмерцю за тэракт у менскім мэтро, прасілі суд вышэйшай інстанцыі прызнаць неправамернай адмову раённага суду распачаць грамадзянскі працэс адносна шэрагу органаў найвышэйшай дзяржаўнай улады, якія адмаўляюцца раскрыць месца пахаваньня расстралянага.
Маці і сястра Ўладзіслава Кавалёва спадзяюцца даведацца пра месца яго пахаваньня праз суд
Любоў Кавалёва і Тацьцяна Козяр – маці і сястра асуджанага да сьмяротнага пакараньня і расстралянага 15 сакавіка 2012 году Ўладзіслава Кавалёва, абіванавачанага ў тэракце ў мэтро ў Менску, зьвярнуліся ў суд Кастрычніцкага раёну сталіцы са скаргай на неправамерныя дзеяньні Дэпартамэнту выкананьня пакараньняў, Міністэрства ўнутраных спраў і Камітэту дзяржбясьпекі. Родныя Кавалёва лічаць, што адмова паведаміць зьвесткі пра месца пахаваньня Ўладзіслава парушае міжнародныя стандарты, а таксама зьвяртаюць увагу на парушэньне Закону “Аб зваротах грамадзян”.
Маці і сястра расстралянага “тэрарыста” патрабуюць ад МЗС зьвестак пра абнародаваньне рашэньня КПЧ ААН па іх справе
Як паведаміў праваабаронца Раман Кісьляк, маці і сястра Ўладзіслава Кавалёва, аднаго з двух расстраляных паводле абвінавачаньня ў зьдзяйсьненьні тэракту ў менскім мэтро, дамагаюцца атрыманьня інфармацыі пра апублікаваньне ў Беларусі рашэньня камітэту ААН наконт іх справы. 13 чэрвеня Любоў Кавалёва і Тацьцяна Козяр накіравалі на імя кіраўніка МЗС Уладзімера Макея заяву, у якой просяць паведаміць зьвесткі пра тое, якім кампэтэнтным дзяржворганам і ў якім беларускім друкаваным выданьні апублікаванае рашэньне камітэту.
Ад Любові Кавалёвай утойваюць, хто расстраляў яе сына
Маці расстралянага Ўладзіслава Кавалёва, абвінавачанага ў тэрарызьме пасьля выбуху ў менскім мэтро, хоча ведаць падрабязнасьці пра апошнія хвіліны сына, якога лічыць неправасудна пакараным сьмерцю. Яна спрабуе высьветліць, якая структура выканала сьмяротны прысуд, вынесены Вярхоўным судом у дачыненьні да яе сына.