Выбары ў Віцебску: нудная агітацыя і загадзя вядомы вынік
У аўторак 13 лютага пачынаецца апошні этап выбарчай кампаніі па выбарах дэпутатаў Віцебскага гарадзкога Савету дэпутатаў дваццаць восьмага скліканьня. Ужо зусім хутка мы даведаемся, хто цягам наступных чатырох гадоў будзе кіраваць гарадзкімі справамі.
Сядзельцы папраўчай калёніі «Віцьба-3» масава атруціліся бруднай вадою?
«Тэрміновая навіна... Сёньня мне патэлефанаваў Алан з ПК №3 (Віцебск). Алан знаходзіўся ў шпіталі з чацьвярга 4 дні, ён вярнуўся сёньня. Ён сказаў, што шмат вязьняў ужылі вельмі сур'ёзную атруту, бо вада ў калёніі забруджаная», – напісала 29 студзеня ў Фэйсбуку Магдалена Валінска, грамадзянская жонка грамадзяніна Вялікай Брытаніі Алана Сьміта, які ўтрымліваецца ў папраўчай калёніі № 3.
Віцебск: У палове акругаў выбары будуць безальтэрнатыўныя
На чарговым паседжаньні, 18 студзеня, Віцебская гарадзкая выбарчая камісія па выбарах дэпутатаў Віцебскага гарадзкога Савету дэпутатаў дваццаць восьмага скліканьня зарэгістравала 68 кандыдатаў у дэпутаты. Пяцёра прэтэндэнтаў, якія хацелі пазмагацца за дэпутацкія мандаты, атрымалі адмовы.
Выбары ў Віцебску: участковыя камісіі сфармаваныя па старых лякалах
Раённыя адміністрацыі Віцебску завяршылі фармаваньне складаў участковых камісій па выбарах дэпутатаў гарадзкога Савету дэпутатаў дваццаць восьмага скліканьня. Неўзабаве камісіі пачнуць працаваць, а зарэгістраваныя кандыдаты ў дэпутаты зоймуцца агітацыяй.
Ці накрыла радыеактыўная хмара Віцебшчыну?
Пасьля таго як сусьветныя мэдыі абышла навіна пра зьяўленьне ў паветры шмат якіх краінаў Эўропы радыеактыўнага ізатопу рутэнію-106, віцебскі праваабаронца Леанід Сьвецік зьвярнуўся ў шэраг дзяржаўных ведамстваў, каб высьветліць, якія захады гэтыя ведамствы зрабілі, каб мінімізаваць наступствы радыяцыйнага заражэньня мясцовасьці.
Антаніне Піванос адмовілі ў заключэньні дамоваў на абслугоўваньне пікету
У кастрычніку 2017 году ўлады не дазволілі жыхарцы Віцебску Антаніне Піванос правесьці ў горадзе пікеты з вышываньнем украінскай сымболікі. Падставай для забароны стала адсутнасьць дамоваў з ЖКГ, УУС і ўпраўленьня аховы здароўя аб абслугоўваньні пікету. 71-гадовая жанчына паспрабавала пазьней заключыць такія дамовы – нічога не атрымалася…
Бюджэт выбарчай камісіі – дзяржаўная таямніца?
Колькі грошай і на якія расходы выдзяляецца выбарчым камісіям? Такая інфармацыя, на думку незалежных назіральнікаў, павінна публікавацца ў дзяржаўных сродках масавай інфармацыі і на афіцыйных сайтах выканаўчых камітэтаў дзеля захаваньня нормы закону пра галоснасьць выбараў. З адпаведнай прапановай выступіў назіральнік кампаніі «Праваабаронцы за свабодныя выбары» Леанід Сьвецік зь Віцебску.
Павал Левінаў прапанаваў ЦВК спыніць выбары і зэканоміць грошы
Віцебскі праваабаронца Павал Левінаў прапанаваў Цэнтарвыбаркаму зьвярнуцца з просьбай да прэзыдэнта аб адмене выбараў у Віцебскі гарадзкі Савет дэпутатаў 28-га скліканьня, бо “дэпутацкі корпус ужо вядомы выбарцам”. Да звароту прыклаў сьпіс будучых пераможцаў па ўсіх акругах. І атрымаў ужо адказ: адмена немагчымая…
Выбары ў Віцебску: папярэдняя статыстыка
Прайшоў ужо месяц ад пачатку выбарчай кампаніі па выбарах дэпутатаў у мясцовыя заканадаўчыя органы ўлады. Таму можна падвесьці прамежкавыя вынікі і даць агульную карціну бягучага моманту падрыхтоўкі да выбараў “слугаў народу” ў Віцебску.
Віцебск: практычна ўсе ініцыятыўныя групы зарэгістраваныя
14 сьнежня Віцебская гарадзкая выбарчая камісія скончыла прыём заяваў для рэгістрацыі ініцыятыўных групаў для збору подпісаў па вылучэньні кандыдатаў у дэпутаты гарадзкога Савету дэпутатаў. Усяго было пададзена 59 заяваў, зь якіх выбарчая камісія разгледзела 54. Астатнія пяць плянуюць разгледзець 18 сьнежня.