Напярэдадні свята Дзядоў сябры грамадскай ініцыятывы ХАЙСЫ - Віцебскія Курапаты прыехалі ва ўрочышча Хайсы Віцебскага раёну, каб добраўпарадкаваць магілы расстраляных падчас сталінскага тэрору беларускіх грамадзян. Але на месцы пабачылі сляды вандалізму.

Невядомыя зламалі два мемарыяльныя крыжы і пашкодзілі шыльды з надпісам «Месца сталінскіх расстрэлаў». Пра гэта даведаліся ўдзельнікі ініцыятывы «Хайсы – віцебскія Курапаты», якія ўжо некалькі гадоў запар ствараюць самаробны мемарыял на ўзлеску каля вёскі Хайсы Віцебскага раёну. Актывісты ўбачылі факты вандалізму, калі прыехалі рабіць прыборку вакол мемарыялу, паведамляе Беларускае Радыё Рацыя.

30 красавіка сябры грамадзянскай ініцыятывы «Хайсы – віцебскія Курапаты» наведалі народны мэмарыял, каб памянуць расстраляных там у 30-я гады беларускіх грамадзянаў. Праз эпідэмію каронавірусу візыт быў не шматлюдным.

26 лютага сябры грамадзянскай ініцыятывы «Хайсы» правялі сход, на якім заплянавалі дзейнасьць для далейшага ушанаваньня памяці ахвяраў сталінінізму. Мяркуюць стварыць сайт ініцыятывы, усталяваць новыя помнікі і мэмарыяльную дошку на будынку віцебскай турмы, распрацаваць экскурсійныя маршруты.

У Полацкім касьцёле сьвятога Андрэя Баболі 24 лістапада адкрылася фотавыстава «Хайсы – віцебскія Курапаты», якая распавядае пра злачынныя расстрэлы беларускіх грамадзян у гады сталінскіх рэпрэсій. Сабраныя фотаздымкі расказваюць таксама пра працу ініцыятывы «Хайсы» дзеля ўшанаваньня бязьвінных ахвяраў камуністычнай дыктатуры.

У суботу 2 лістапада біскуп Віцебскі Алег Буткевіч разам зь вернікамі наведаў месцы расстрэлаў ахвяраў сталінскіх рэпрэсій у Хайсах пад Віцебскам. Стваральнікі народнага мэмарыялу, вернікі розных канфэсій усклалі кветкі да памятных крыжоў і памаліліся разам зь біскупам.

У віцебскім катэдральным касьцёле Езуса Міласэрнага 30 кастрычніка пачала працаваць фотавыстава “Хайсы – віцебскія Курапаты”. У экспазыцыі – больш за 180 фотаздымкаў, якія распавядаюць пра месца сталінскіх расстрэлаў ва ўрочышчы Хайсы пад Віцебскам. А таксама дакумэнты і артыкулы – як сьведчаньне змаганьня за памяць і праўду…

Помнік ахвярам бальшавіцкага тэрору, забітым ва ўрочышчы Хайсы ў 1937-1941 гадох, адкрылі 14 верасьня на ўскрайку “расстрэльнага” лесу. Удзел у імпрэзе ўзялі жыхары навакольных вёсак, грамадзкія актывісты зь Віцебску, Менску ды Воршы. Помнік асьвяціў каталіцкі сьвятар Віктар Місевіч.

Сябры грамадзкай ініцыятывы “Хайсы – віцебскія Курапаты” працягваюць добраўпарадкаваць месца сталінскіх расстрэлаў пад вёскай Хайсы Віцебскага раёну. Да крыжоў, якія ўсталяваныя ў 2017 годзе на ўскрайку “расстрэльнага” лесу і да магілы ахвяр сталінскага тэрору актывісты пракладаюць дарожку.

Напярэдадні Радаўніцы сябры грамадзянскай ініцыятывы “Хайсы” наведалі ў ваколіцах Віцебску месцы расстрэлаў і пахаваньняў ахвяраў сталінскіх рэпрэсіяў. Ля крыжоў памяці і на магілы, у якіх ляжаць знойдзеныя ў часе пошукавых экспэдыцыяў парэшткі рэпрэсаваных, актывісты ўсклалі кветкі, запалілі памінальныя зьнічкі.