Віцебскага псыхіятра Пастнова асудзілі на тры гады “хіміі” – за паклёп на пракурора
Тры гады абмежаваньня свабоды з накіраваньнем у папраўчую ўстанову адкрытага тыпу – такі вырак быў агучаны 20 траўня ў дачыненьні віцебскага “доктара-праўдаруба” Ігара Пастнова. Яго прызналі вінаватым у паклёпе на пракурора гораду Віцебску Юрыя Раманоўскага. Прысуд не набыў пакуль законнай сілы.
Віцяблян будуць судзіць за паклёп на пракурора Раманоўскага – у закрытым паседжаньні
Жыхары Віцебску Ігар Пастноў і Рафаэль Кірылаў-Шмільхольдхард атрымалі пастановы аб прызначэньні судовага разбору па крымінальнай справе, распачатай супраць іх за паклёп на пракурора гораду Віцебску Юрыя Раманоўскага (ч.2 арт. 188 КК РБ). Судовы працэс пачнецца 22 красавіка ў судзе Кастрычніцкага раёну Віцебску і пройдзе ў закрытым рэжыме.
“Будзьце пільныя – ён небясьпечны!” У чым правініўся перад міліцыяй блогер Пятрухін?
Калі трэба ратаваць гонар мундура – для міліцыі прыдатныя любыя сродкі, у тым ліку – хлусьня, утойваньне фактаў і банальнае самачынства. Вашай увазе – чарговы матэрыял у межах мультымэдыйнага праекту #БезПраваНаРасправу праваабарончага цэнтру “Вясна”.
Хворага інваліда 2-й групы прымушаюць у лякарні даваць паказаньні без адваката
Віцяблянін Рафаэль Кірылаў-Шмільхольдхард, які зараз знаходзіцца на лячэньні ў аддзяленьні кардыялёгіі Віцебскай абласной клінічнай лякарні, сьцьвярджае, што сьледчыя УСК РБ па Віцебскай вобласьці прымушаюць яго там даваць паказаньні без адваката. Інвалід 2-й групы накіраваў скаргу ў Генпракуратуру і Цэнтральны апарат СК РБ.
Ператрус у віцебскага доктара-праўдаруба Пастнова – забралі лямпавы тэлевізар “Віцязь”
У суботу 10-га лістапада ў кватэры віцебскага псыхіятра Ігара Пастнова адбыўся ператрус. Пра гэта Пастноў паведаміў у сацсетках. Як піша, міліцыянты шукалі наркотыкі, парнаграфію, фальшывыя грошы і перапіску з амбасадамі і праваабарончымі арганізацыямі. А ў выніку – забралі лямпавы тэлевізар…
На віцяблян завялі крымінальную справу за паклёп на пракурора
Упраўленьне СК РБ па Віцебскай вобласьці распачало крымінальную справу па ч.2 арт. 188 КК РБ (Паклёп) супраць віцяблян Рафаэля Кірылава-Шмільхольдхарда і доктара-праўдаруба Ігара Пастнова. Падставай стала заява пракурора гораду Віцебску Юрыя Раманоўскага.