«Паклонімся лекарам!» Праваабаронца просіць улады распаўсюдзіць ролік падзякі
Віцебскі праваабаронца Павал Левінаў зьвярнуўся да кіраўніка Віцебскага гарвыканкаму Вадзіма Заранкіна і старшыні гарсавету Уладзімера Бялевіча аб шырокім распаўсюдзе ў мясцовых СМІ відэароліка падзякі «Паклонімся лекарам», створанага валянтэрамі руху «ByCovid19-Витебск».
Праваабаронца запытаўся ў дэпутатаў пра захады супраць COVID-19 – яму адказаў выканкам
Прадстаўнік Беларускага Хэльсынскага камітэту ў Віцебску і Віцебскай вобласьці праваабаронца Павал Левінаў папрасіў абласны Савет дэпутатаў паінфармаваць яго, якія захады робіць гэты прадстаўнічы орган, каб захаваць жыцьці і здароўе мэдыкаў і простых грамадзян падчас пандэміі COVID-19. Ліст у адказ даслала выканаўчая ўлада.
Праваабаронцы накіравалі Паўла Левінава для працы ў штаб па барацьбе з COVID-19
Простае таварыства «Грамадзкі камітэт упаўнаважаных па правах чалавека «Правы для ўсіх» папрасіла ўключыць прадстаўніка камітэту Паўла Левінава ў склад Віцебскага абласнога штабу па барацьбе з распаўсюдам каронавірусу. Чыноўнік Віцебскага аблвыканкаму пакінуў гэтую просьбу «без разгляду па сутнасьці».
Упраўленьне юстыцыі адмовілася назваць склад грамадзкай назіральнай камісіі
Праваабаронца Павал Левінаў папрасіў Галоўнае ўпраўленьне юстыцыі аблвыканкаму даць яму поўную інфармацыю аб складзе і працы Віцебскай абласной грамадзкай назіральнай камісіі. Яму не назвалі ніводнага прозьвішча, спаслаўшыся на тое, што гэтая інфармацыя абмежаваная.
Пандэмія COVID-19: МУС «прыняло да ведама» прапановы праваабаронцы
Праваабаронца зь Віцебску Павал Левінаў патрабаваў ад Міністэрства ўнутраных спраў (МУС) узмацніць меры бясьпекі ў месцах пазбаўленьня волі ў сувязі з распаўсюдам каронавірусу. Дэпартамэнт выкананьня пакараньняў МУС РБ паабяцаў прыняць да ведама прапановы праваабаронцы.
Прызыўная камісія адмяніла адтэрміноўку, але суд стаў на бок прызыўніка
Суд Чыгуначнага раёну Віцебску 31 сакавіка задаволіў скаргу прызыўніка Андрэя Крычаўцова, якому гарадзкая прызыўная камісія адмяніла адтэрміноўку ад службы ў войску. Пра гэта паведаміў сябра простага таварыства «Грамадзкі камітэт упаўнаважаных па правах чалавека «Правы для ўсіх» Павал Левінаў, які ўдзельнічаў у працэсе ў якасьці прадстаўніка грамадзкасьці.
Каронавірус: Віцебскі абласны суд прапануе разглядаць справы дыстанцыйна
«Юрыдычна зацікаўленым у выніках справы асобам прапануецца браць удзел у разглядзе справаў дыстанцыйна», – пра гэта паведаміў першы намесьнік старшыні Віцебскага абласнога суду Анатоль Фаменка на запыт праваабаронцы Паўла Левінава. У сваім звароце ён пытаўся, якія захады зрабіла кіраўніцтва аблсуду, каб засьцерагчы здароўе і жыцьцё наведнікаў і супрацоўнікаў.
«Адтэрміноўку скасавалі безь мяне». У Віцебску прызыўнік судзіцца з прызыўной камісіяй
20 сакавіка ў судзе Чыгуначнага раёну Віцебску на папярэднім судовым паседжаньні разглядалася скарга прызыўніка Андрэя Крычаўцова. Прадстаўнікі ваенкамату і Віцебскага гарвыканкаму на суд не прыйшлі. Наступнае паседжаньне прызначанае на 31 сакавіка, паведамляе Беларуская праўда.
Каронавірус: праваабаронца патрабуе ад МУС узмацніць меры бясьпекі ў месцах несвабоды
Віцебскі праваабаронца Павал Левінаў патрабуе ад Міністэрства ўнутраных спраў (МУС) узмацніць меры бясьпекі ў месцах пазбаўленьня волі ў сувязі з рапаўсюдам каронавірусу. Сярод патрабаваньняў – прыпыніць выкананьне адміністрацыйных арыштаў, а таксама – вызваленьне непаўналетніх і пажылых зьняволеных, наогул тых, хто не пагражае грамадзкай бясьпецы.
Таварыства «Правы для ўсіх» вылучыла Паўла Левінава ў склад назіральнай камісіі
Простае таварыства «Грамадзкі камітэт упаўнаважаных па правах чалавека «Правы для ўсіх» просіць уключыць праваабаронцу Паўла Левінава ў склад Віцебскай абласной грамадзкай назіральнай камісіі. Ягоную кандыдатуру таварыства зацьвердзіла 9 сакавіка 2020 году.