13 лютага праваабарончая супольнасць Беларусі прызнала жыхара Мёраў Сяргея Васільева палітвязнем. Мужчына быў затрыманы 26 жніўня 2021 году і асуджаны на тры гады абмежавання волі за паклёп на прэзідэнта (арт. 367 КК). Тэрмін адбывае ў пасёлку Круглае Магілёўскай вобласці (ПУАТ №46).

Судовая калегія па крымінальных справах Віцебскага абласнога суду разгледзела 19 ліпеня апэляцыйную скаргу віцебскага “доктара-праўдаруба” Ігара Пастнова, які быў асуджаны судом Бешанковіцкага раёну на тры гады “хіміі” за паклёп на пракурора (ч.2 арт.188 КК). Скарга пакінутая без задавальненьня, а прысуд – бяз зьменаў.

Тры гады абмежаваньня свабоды з накіраваньнем у папраўчую ўстанову адкрытага тыпу – такі вырак быў агучаны 20 траўня ў дачыненьні віцебскага “доктара-праўдаруба” Ігара Пастнова. Яго прызналі вінаватым у паклёпе на пракурора гораду Віцебску Юрыя Раманоўскага. Прысуд не набыў пакуль законнай сілы.

Жыхары Віцебску Ігар Пастноў і Рафаэль Кірылаў-Шмільхольдхард атрымалі пастановы аб прызначэньні судовага разбору па крымінальнай справе, распачатай супраць іх за паклёп на пракурора гораду Віцебску Юрыя Раманоўскага (ч.2 арт. 188 КК РБ). Судовы працэс пачнецца 22 красавіка ў судзе Кастрычніцкага раёну Віцебску і пройдзе ў закрытым рэжыме.

Калі трэба ратаваць гонар мундура – для міліцыі прыдатныя любыя сродкі, у тым ліку – хлусьня, утойваньне фактаў і банальнае самачынства. Вашай увазе – чарговы матэрыял у межах мультымэдыйнага праекту #БезПраваНаРасправу праваабарончага цэнтру “Вясна”.

Сябра Беларускай асацыяцыі журналістаў Уладзімер Лунёў зьвярнуўся ў абласное ўпраўленьне ўнутраных справаў і ў гарадзкую пракуратуру Віцебску са скаргай на дзеяньні супрацоўнікаў Кастрычніцкага РАУС. На ягоную думку, міліцыянты ўхіліліся ад абароны яго правоў і законных інтарэсаў, спыніўшы справу аб адміністрацыйным правапарушэньні ў дачыненьні да невядомых аўтараў паклёпніцкага відэа, разьмешчанага ў інтэрнэце.