Завяршыліся важныя этапы выбарчай кампаніі – збор подпісаў па вылучэньні кандыдатаў на пасаду Прэзыдэнта Рэспублікі Беларусь і фармаваньне ўчастковых выбарчых камісій (УВК). Ужо можна казаць, што ў Кастрычніцкай раённай камісіі па выбарах Прэзыдэнта Рэспублікі Беларусь у Віцебску падрыхтоўка і правядзеньне выбараў адбываецца ані адкрыта, ані галосна.

Суд Кастрычніцкага раёну Віцебску аштрафаваў віцябляніна Аляксандра Дуброўскіх на 30 базавых велічынь за ўдзел у акцыі супраць інтэграцыі з Расеяй, якая праходзіла ў Менску 20 сьнежня 2019 году. У якасьці адзінага доказу вінаватасьці віцябляніна міліцыянты прад’явілі ролік са стрыму «Радыё Свабода».

У чацьвер 2 кастрычніка віцебскія раённыя адміністрацыі сфармавалі ўчастковыя выбарчыя камісіі. Прадстаўніцтва апазыцыйных палітычных аб’яднаньняў ва ўчастковых камісіях у межах Кастрычніцкага раёну Віцебску роўнае нулю.

Суд Кастрычніцкага раёну Віцебску 29 ліпеня пачне судовы разгляд па крымінальнай справе дэсантніка Віктара Калачынскага, які ў красавіку 2019 году быў сьмяротна траўмаваны вайсковым аўтамабілем “МАЗ”. Абвінавачаны – 19-гадовы кіроўца “МАЗу” і саслужыўца загінулага.

У актавай залі адміністрацыі Кастрычніцкага раёну Віцебску 6 ліпеня грамадзкасьць сустрэлася з прадстаўнікамі ўлады, каб абмеркаваць пытаньне продажу алькаголю ў парку адпачынку на беразе ракі Віцьба. Быць альбо ня быць?..

Суд аштрафаваў віцебскага таксіста Алега Стральца на 612 рублёў за тое, што той абазваў па тэлефоне свайго ўчастковага інспэктара “петушарай” і “малалеткай”. Каб прызнаць віцябляніна вінаватым у абразе службовай асобы (арт 23.5 КаАП), судзьдзі не спатрэбілася ні лінгвістычная экспэртыза, ні доказы ў выглядзе аўдыёзапісу званку – хапіла рапарту міліцыянта…

Судзьдзя Кастрычніцкага суду Віцебску Ільля Белавус у пастанове, якую склаў на актывіста Уладзімера Кійко, памылкова ўказаў, што той меў раней адміністрацыйныя спагнаньні. Як палічыў праваабаронца Павал Левінаў гэтым самым Белавус замахнуўся на гонар і годнасьць грамадзяніна і папрасіў Вярхоўны суд разгледзець пытаньне аб прафпрыдатнасьці судзьдзі.

Калі ўладальнік інтэрнэт-крамы Symbal.by Павал Белавус прачытаў навіну зь Віцебску пра тое, што міліцыя мусіць выплаціць Міколу Качурцу за зьнішчаны на БНР-100 бел-чырвона-белы сьцяг усяго 8,72 рублёў – вырашыў падарыць актывісту новы сьцяг. Падарунак атрыманы.

Суд Першамайскага раёну Віцебску толькі часткова задаволіў пазоўныя патрабаваньні Міколы Качурца, які прасіў спагнаць з Кастрычніцкага РАУС 42 рублі за зьнішчаны ў 2018 годзе бел-чырвона-белы сьцяг. Судзьдзя Алена Савіцкая ацаніла шкоду на 8 рублёў 30 капеек.

Жыхара Віцебску Сяргея Сясіцкага апыталі наконт зьместу ягонай старонкі ў сацыяльнай сетцы “Фэйсбук” і забралі мабільны тэлефон. Прадстаўнік крымінальнага вышуку паведаміў, што сьледчыя праводзяць праверку на наяўнасьць прапаганды экстрэмізму або распальваньня міжнацыянальнай варожасьці, піша Беларускае Радыё Рацыя.