У нашумелай гісторыі, якая адбылася ў віцебскай аптэцы месяц таму з удзелам “жанчыны з сабачкам” ужо пастаўленая кропка. Нагадаем, наведніцу аптэкі, якая называла правізара “сьмярдзючай жывёлінай”, суд пакараў штрафам паводле двух артыкулаў КаАП (за зьнявагу і хуліганства). Але Мінздраў мае іншы пункт гледжаньня на тое, хто вінаваты ў той сытуацыі.

«Бээнэфавец сказаў бабулі, што выража ёй на лбе крыж, калі апазыцыя прыйдзе да ўлады!» – такую гісторыю распавяла віцебскі палітык Вольга Карач. У фэйсбуку яна пакінула камэнтар з расказам пра мясцовага лідэра БНФ, які нібыта пагражаў выразаць крыж на лбе суседкі.

У Віцебску прад'явілі абвінавачаньне за абразу ў сацыяльных сетках судзьдзі. Здарэньне адбылося ў лістападзе мінулага году. Жыхар абласнога цэнтру зьмясьціў на сайце адной з тэматычных суполак, прысьвечаных Віцебску, тэкставы камэнтар, які «па сваім зьмесьце ўтрымлівае лінгвістычныя прыкметы абразы судзьдзі», інфармуе афіцыйная прадстаўніца УСК па Віцебскай вобласьці Сьвятлана Сахарава.

Народны герой падпольнага супраціву заклікаў беларусаў змагацца за незалежнасьць сваёй краіны. Пра гэта ў фэйсбуку напісала віцебская актывістка Алена Сьцяпанава.

Пэтыцыя створаная ад імя Ганны Палын, жыхаркі Менску. У ёй патрабуецца вызваліць з-пад варты і апраўдаць 31-гадовую Вольгу, ураджэнку Віцебску, якую 30 жніўня будуць судзіць паводле часткі 1 артыкулу 144 Крымінальнага кодэксу РБ (прычыненьне сьмерці па неасьцярожнасьці).

Грамадзянін Беларусі, нехта Сяргей Іваноў, напісаў заяву ў Сьледчы камітэт Расеі на фразу віцебчука Сяргея Сясіцкага ў сацыяльнай сетцы фэйсбук.

Праваабаронца Павал Левінаў стрымаў сваё слова. Адпраўляючыся на 15 сутак у ізалятар часовага ўтрыманьня, ён заяўляў, што будзе сядзець ня проста так, а зоймецца вывучэньнем умоваў адбываньня там адміністрацыйнага арышту. І вось надоечы ён разьмясьціў у фэйсбуку дакумэнт пад загалоўкам «Маніторынг умоваў майго ўтрыманьня ў ІЧУ пры УУС Віцебскага аблвыканкаму».

Згодна з пастановай супрацоўніцы Сьледчага камітэту Х.С. Казімірскай, крымінальная справа ў дачыненьні да доктара Ігара Пастнова распачатая паводле прыкметаў складу злачынства, прадугледжанага часткай 1 артыкулу 400 Крымінальнага кодэксу (сьведама фальшывы данос пра зьдзяйсьненьне злачынства).

Падчас сьвяткаваньня Дня гораду ў Віцебску вуліцамі езьдзіў аўтамабіль з партрэтам Ёсіфа Сталіна. Сьвяткаваньні адбываюцца ў гонар 1043-годзьдзя з дня першай згадкі пра Віцебск у летапісах.

У сацсетцы “УКантакце” распаўсюджваецца “разьвітальны ліст” ад імя выкладчыцы Полацкага дзяржаўнага ўнівэрсытэту Тамары П. У лісьце гаворыцца пра намер 48-гадовай жанчыны звольніцца з ПДУ, прадаць кватэру і назаўжды зьехаць з Наваполацку. Прычына – порнаролік зь яе ўдзелам, зьняты яе партнэрам пяць гадоў таму: відэа быццам бы распаўсюджваецца “ў лакальнай сетцы праваахоўных органаў па ўсёй Рэспубліцы Беларусь”.