На Гагарына ў Віцебску зруйнуюць два дамы і спляжаць шмат дрэваў – абмеркаваньне ад 20 чэрвеня
Ад 20 чэрвеня пачнецца грамадзкае абмеркаваньне архітэктурна-пляніровачнай канцэпцыі будаўніцтва жылога дому насупраць заводу “Сьцяг Індустрыялізацыі” на вуліцы Гагарына ў Віцебску. Згодна з перадпраектнай дакумэнтацыяй, будуць зруйнаваныя два трохпавярховікі і сьсечаная “вялікая колькасьць дрэваў”. Пад знос пойдуць дамы №8 і №10.
Эўразьвяз фінансава дапаможа дзяржаўным структурам Віцебшчыны
Год таму ў межах праграмы трансгранічнага супрацоўніцтва «Латвія-Летува-Беларусь», якую фінансуе Эўразьвяз, быў абвешчаны першы конкурс праектных прапановаў дзеля пасьпяховага партнэрства арганізацыяў трох краін. Вынікі конкурсу, апублікаваныя надоечы, расчаравалі некамэрцыйныя арганізацыі (НКА): сярод атрымальнікаў грантаў Эўразьвязу іх няма, падтрыманыя былі толькі праекты з удзелам уладаў.
У Віцебскіх актывістаў зьявілася «Добрая нагода» для сустрэч
У віцебскім арт-бары «Торвальд» прайшла імпрэза пад сымбалічнай назвай «Добрая нагода», асноўнай мэтай якой было пазнаёміць паміж сабой актыўных людзей гораду, каб у далейшым яны пачалі сумесную дзейнасьць па рэалізацыі праектаў.
У Віцебску ладзіцца конкурс праектаў «Дзень вуліцы»
Сустрэча арганізатараў конкурсу з зацікаўленымі ў рэалізацыі сваіх задумаў адбылася 8 верасьня ў адной з заляў «Арт-прасторы» на Талстога, 7. Але нават калі вы ня трапілі на імпрэзу, да 15 верасьня ўлучна ў вас ёсьць магчымасьць даслаць свой праект на разгляд кампэтэнтнага журы. Па выніках конкурсу будуць адабраныя 4 найлепшыя праекты.
Віцебскія актывісты прэзэнтавалі свае праекты ў межах MediaBarCamp
З 11 па 14 траўня ў Летуве прайшоў дзясяты міжнародны летні лягер MediaBarCamp. Зь Віцебску ўдзел у форуме ўзялі прадстаўнікі Рэспубліканскага дасьледча-асьветніцкага грамадзкага аб’яднаньня «Гавары праўду», сябры ініцыятывы Vitebsk4Me, партыйныя актывісты «Справядлівага сьвету» і маладыя сацыял-дэмакраты. Расказаць пра імпрэзу мы папрасілі віцебскіх гаварыпраўдаўцаў Алега Квяцінскага і Марыю Казлову.
У Віцебску прайшоў трэнінг «Тэорыя і практыка напісаньня праектных заявак»
Трэнінг, які праходзіў ў Рэгіянальным рэсурсным цэнтры па разьвіцьці дадатковай адукацыі дарослых, арганізавала грамадзкая арганізацыя «Хрысьціянская садружнасьць дарослых і маладых». Вядоўцам сэмінару выступіла Вольга Лукіна, праектны мэнэджэр YMCA Беларусі і рэгіянальны каардынатар па ўмацаваньні рухаў і праектным мэнэджмэнце YMCA Эўропы.
Прасоўваць здаровы лад жыцьця на Гарадоччыне дапамогуць грошы Эўразьвязу
Значная сума – 60,5 тыс. даляраў паступіць у аддзел адукацыі, спорту і турызму Гарадоцкага райвыканкаму. Гэта стала магчымым дзякуючы перамозе аддзелу ў конкурсе мясцовых ініцыятыў, накіраваных на прасоўваньне здаровага ладу жыцьця і прафіляктыку неінфекцыйных захворваньняў на мясцовым узроўні.
Пешы маршрут «Зялёная лінія» зьявіўся ў Віцебску
«Менш СО2 – больш жыцьця» – такі дэвіз можна ўбачыць на постэрах экамаршруту, большая частка якога пралягае праз парк Перамогі, уздоўж вуліцы Калініна. Прагуляўшыся ў гэтым кірунку, кожны ахвочы пазнае нямала новага аб, здавалася б, добра знаёмых нам гарадзкіх расьлінах. Гэтая магчымасьць зьявілася дзякуючы новаму праекту, прэзэнтацыя якога адбылася ў абласным цэнтры 24 лістапада.
Віцебшчына далучылася да праекту «Дзеці ў інтэрнэце»
Мэта сацыяльна-адукацыйнай ініцыятывы «Дзеці ў інтэрнэце» – навучыць хлапчукоў і дзяўчынак пісьменна карыстацца інтэрнэтам, каб яны ўмелі здабываць патрэбную інфармацыю і не заблыталіся ў сусьветным павуціньні, правільна рэагавалі на тролінг і іншыя нэгатыўныя зьявы сацыяльных сетак. Ажыцьцяўляе праект СТАА «МабільныяТэлеСыстэмы» пры падтрымцы Міністэрства адукацыі.
Адукацыйны курс у Віцебску: дэінстытуалізацыя і абарона правоў людзей з інваліднасьцю
Навучыць або ўдасканаліць неабходныя веды і навыкі ў сфэры кіраваньня сацыяльнымі праектамі – такая была місія трэнінгу, які прайшоў у Віцебску. Яго арганізатарам выступіла праваабарончая арганізацыя «Офіс па правох людзей з інваліднасьцю» ў партнэрстве зь летувіскай арганізацыяй «Пэрспэктывы псыхічнага здароўя".