22 чэрвеня сябры грамадзкай ініцыятывы «Хайсы» і мясцовыя жыхары на вясковых могілках ля вёскі Бараўляны Віцебскага раёну ўсталявалі мэталёвы крыж у памяць ваеннапалонных лягеру «Учдор – 756», пахаваных непадалёку. Крыж асьвяціў душпастыр віцебскіх грэка-каталікоў протапрэзьбітар Зьміцер Грышан.

Зьнікненьне крыжа ў памяць расстраляных ваеннапалонных, партызанаў і мірных грамадзянаў узрушыла жыхароў вёскі Бараўляны, што ў Віцебскім раёне. Старэйшына вёскі Юлія Ісачанка пачала шукаць тых, хто спрычыніўся да дэмантажу памятнага знаку. Высьветлілася: крыж зьнялі рабочыя ЖКГ Віцебскага раёну падчас выдаленьня зь мясцовых могілак вялікіх дрэваў.