Васьмярых віцяблян прыцягнулі да адміністрацыйнай адказнасьці за “сход” у прыватным памяшканьні
Восем віцяблян сабраліся на дзень Канстытуцыі на прыватнай тэрыторыі, каб паразмаўляць аб жыцьці і космасе ды папіць гарбаты. Але празь некаторы час былі затрыманыя міліцыянтамі, дастаўленыя ў Кастрычніцкі РАУС і абвінавачаныя ў парушэньні заканадаўства аб масавых мерапрыемствах (арт. 23.34 КаАП РБ). Адміністрацыйную справу разгледзеў 19 красавіка суд Віцебскага раёну.
Прапаршчык, які параніў салдата-рэкрута, прысуджаны да пяці гадоў зьняволеньня
Да пяці гадоў пазбаўленьня волі прысуджаны прапаршчык, па віне якога на палігоне Лосьвіда пад Віцебскам пацярпеў салдат тэрміновай службы. Пра гэта паведамілі ў Віцебскім абласным судзе.
У вёсцы водаправод не працуе тры гады, але праблема турбуе толькі вяскоўцаў
Вёска Тапорына Віцебскага раёну – прыклад тыповага населенага пункту сучаснай Беларусі, дзе пасьля развалу сельгаспрадпрыемства эканамічнае жыцьцё цалкам спынілася, а працаздольнае насельніцтва зьехала ў пошуках заробку. Як цяпер выжываюць вяскоўцы, што засталіся, даведаўся наш карэспандэнт.
Суд Віцебскага раёну паўторна пастанавіў аштрафаваць Яна Дзяржаўцава
Разгляд адміністрацыйнай справы ў дачыненьні да ініцыятара стварэньня мэмарыялу рэпрэсаваным за часамі Сталіна, кіраўніка грамадзкай ініцыятывы “Хайсы” Яна Дзяржаўцава заняў у судзе Віцебскага раёну два дні. Раней гэтая справа ўжо разьбіралася райсудом, але была вернутая на новы разгляд рашэньнем Віцебскага абласнога суду.
Алена Янушкоўская: Хачу, каб людзі навучыліся аб’ядноўвацца і адстойваць свае правы
Па выніках першага этапу выбарчай кампаніі грамадзкая актывістка зь вёскі Суйкава Віцебскага раёну Алена Янушкоўская была зарэгістраваная кандыдатам у дэпутаты Віцебскага абласнога і Віцебскага раённага саветаў дэпутатаў. Хацела стаць яшчэ кандыдатам у дэпутаты роднага Заронаўскага сельскага савету, але не атрымалася.
Крыж ва ўшанаваньне памяці ахвяраў нацызму зрушылі вандалы? Не, – ЖКГ!
Зьнікненьне крыжа ў памяць расстраляных ваеннапалонных, партызанаў і мірных грамадзянаў узрушыла жыхароў вёскі Бараўляны, што ў Віцебскім раёне. Старэйшына вёскі Юлія Ісачанка пачала шукаць тых, хто спрычыніўся да дэмантажу памятнага знаку. Высьветлілася: крыж зьнялі рабочыя ЖКГ Віцебскага раёну падчас выдаленьня зь мясцовых могілак вялікіх дрэваў.
Замест словаў падзякі – штраф памерам у пяць базавых велічыняў
Суд Віцебскага раёну аштрафаваў кіраўніка грамадзянскай ініцыятывы “Хайсы” Яна Дзяржаўцава за самавольнае пахаваньне парэшткаў ахвяраў сталінскіх рэпрэсіяў. Чалавечыя косткі, якія ён нібыта незаконна пахаваў, былі знойдзеныя ў лесе пасьля працы 52-га пошукавага батальёну.
“А сьвятло вечнае няхай ім сьвеціць”. У “расстрэльным” лесе пад Хайсамі асьвяцілі крыжы
У Вераб’ёвым лесе пад Хайсамі (Віцебскі раён) 9 сьнежня былі асьвечаныя крыжы, усталяваныя ў памяць бязьвінных ахвяраў, расстраляных на гэтым месцы ў 1937-1941 гадах катамі НКВД. Крыжы асьвяціў пробашч віцебскай парафіі сьвятога Антонія ксёндз Вячаслаў Барок.
На кіраўніка ініцыятывы “Хайсы” складзены пратакол аб правапарушэньні
7 сьнежня кіраўніца аддзелу ЖКГ Віцебскага раёну Кацярына Воінава склала пратакол аб адміністрацыйным правапарушэньні грамадзянінам Янам Дзяржаўцавым. Паводле пратаколу, актывіст парушыў правілы пахаваньня чалавечых парэшткаў, бо зьдзейсьніў пахаваньне ў месцы, не прызначаным для гэтага. Цяпер яго чакае суд.
Жыхары вёскі Суйкава жадаюць ведаць, калі завершыцца будаўніцтва водаправоду
Грамадзкія актывісты зь вёскі Суйкава Віцебскага раёну сустрэліся з начальнікам упраўленьня ЖКГ аблвыканкаму Юрыем Дзядзёлам і намесьнікам старшыні Віцебскага райвыканкаму па будаўніцтве Аляксеем Героевым. Сустрэча адбывалася 4 сьнежня ў аблвыканкаме. Размова ішла пра пэрспэктыву завяршэньня будаўніцтва водаправоду ў вёсцы.