У Воршы ў дзень асноўнага галасаваньня выбарчыя камісіі з мэтай забесьпячэньня яўкі робяць стаўку на галасаваньне на даму. У сьпісах некаторых УВК колькасьць выбаршчыкаў, прагаласаваўшых на даму, удвая перавышае колькасьць тых, хто прыйшоў галасаваць на ўчастак. Сябры камісіяў зь пераноснымі скрынямі для галасаваньня заяўляюцца да выбаршчыкаў, якія іх пра гэта не прасілі, і пазбаўляюцца ад пільных назіральнікаў ад апазыцыі.

Сяржук Доўгушаў і Аляксандар Ясінскі на люты расплянавалі тур па Беларусі з прэзентацыяй альбому “Дарогі”. Аднак у Воршы канцэрт адмяняюць ужо трэці раз.

І ў Дуброўне, і ў Воршы віцебчукі выступалі разам зь мясцовымі жыхарамі.

Працаўнікам аднаго з прадпрыемстваў Беларускай чыгункі ў Воршы гэтымі днямі раздалі раздрукаваныя заявы, куды трэба толькі ўнесьці імя, прозьвішча і паставіць подпіс. Заява кажа пра тое, што працаўнік просіць бухгальтэрыю пералічыць зь яго заробку 45 капеек у Фонд міру, распавялі сайту orsha.eu на ўмовах ананімнасьці работнікі гэтага прадпрыемства.

Сытуацыя на рынку працы ў Воршы з часу вясновых пратэстаў пагоршылася. У горадзе стала больш беспрацоўных, чымся было на пачатку 2017 году. Пра гэта заявіў старшыня аршанскай арганізацыі прафсаюзу РЭП Аляксандар Булаўка.

У Воршы дагрукацца да чыноўнікаў з інфармацыяй пра кепскую дарогу ўдалося толькі праз флэш-моб. Звычайныя звароты не далі плёну, і тады мясцовыя грамадзкія актывісты сталі з плякатамі каля самай глыбокай і вялікай лужыны на праблемнай вуліцы Гомельскай. У выніку празь некалькі дзён дарогу прывялі да ладу.

У межах кампаніі «Тыдзень супраць сьмяротнага пакараньня» ў вёсцы Стаўры, што пад Воршай, прайшла тэматычная дыскусія «Масавыя рэпрэсіі і сьмяротнае пакараньне». Партыйныя і грамадзкія актывісты Аршанскага рэгіёну, журналісты і праваабаронцы зь Менску і Віцебску, сваякі рэпрэсаваных і проста неабыякавыя грамадзяне абмеркавалі праблему сьмяротнага пакараньня ў Беларусі.

У Воршы распрацоўваецца новы генэральны плян, які вызначыць, якім будзе горад да 2030 году. Сярод прапанаваных архітэктарамі пунктаў ёсьць і скандальны: плянуецца пабудаваць дзьве дарогі, якія пройдуць наўпрост па месцах масавых сталінскіх расстрэлаў на Кабыляцкай гары і каля Магілёўскай шашы.

«Віцебская вясна» працягвае знаёміць чытачоў з умовамі знаходжаньня ў ізалятарах часовага ўтрыманьня. Журналіст Арцём Сізінцаў асьвятляў веснавыя акцыі пратэсту і суды над іх удзельнікамі ня толькі ў сваёй роднай Воршы, але і ў Магілёве, і ў Віцебску. Супрацоўнікі праваахоўных органаў ацанілі актыўнасьць рэпартэра – ён быў затрыманы 25 сакавіка за Дзень Волі ў Віцебску. Суд прызначыў Арцёму 10 сутак арышту.

Дакумэнтальную кнігу “Аршанская хроніка 1986-2001” прэзэнтаваў 18 ліпеня ў Воршы яе аўтар-укладальнік Віктар Андрэеў. Кніга ў актуальным жанры нон-фікшан мае 251 старонку і заснаваная на архіўных матэрыялах, дакумэнтах ды інтэрвію з 15 асобамі.