У Воршы 2 сьнежня судзілі блогера Дзьмітрыя Казлова, вядомага як «Шэры Кот». Яго вінавацілі ў парушэньне парадку арганізацыі масавых мерапрыемстваў (ч.1 арт.23.34). Судзьдзя суду Аршанскага раёну Кацярына Мажэйка палічыла віну даказанай і пакарала актывіста штрафам у памеры 20 базавых велічынь.

Віцебскі абласны суд разгледзеў 31 кастрычніка апэляцыйную скаргу аршанца Рамана Кузьмянкова на рашэньне суду Аршанскага раёну, які не задаволіў ягоны пазоў да камісіі па спрыяньні занятасьці насельніцтва. У судзе першай інстанцыі Кузьмянкоў прасіў спагнаць з Аршанскага райвыканкаму амаль 700 тысяч рублёў маральнай шкоды, якую яму прычынілі ўключэньнем у так званы “сьпіс дармаедаў”.

Апублікавана ў Правы працоўных

На сайце Аршанскага райвыканкаму праводзіцца анлайн-апытаньне наконт мовы, на якой маюць агучвацца назвы прыпынкаў у грамадзкім транспарце Воршы. Прапануецца тры варыянты: “на расейскай”, “на беларускай” і “на абедзьвюх мовах”. На 8 кастрычніка 75% апытаных аддалі перавагу беларускай мове, 22% – расейскай.

Апублікавана ў Культурныя правы

Аршанскі райвыканкам адказаў на электронны зварот жыхароў Воршы, у якім яны патрабавалі забараніць будаўніцтва ў горадзе праваслаўнай царквы на вуліцы Язэпа Драздовіча ў Задняпроўі. “Колькасьць праваслаўных храмаў, неабходных для правядзеньня набажэнстваў, вызначае Царква без умяшаньня дзяржавы…” – гаворыцца ў адказе.

Апублікавана ў Свабода сумленьня

“Грамадзкі транспарт Воршы ўжо некалькі гадоў выкарыстоўвае толькі расейскую мову ў сваёй працы. Беларуская мова, на якой раней абвяшчаліся прыпынкі ў аўтобусах, адсутнічае як у абвестках, так і ў раскладах на прыпыначных пунктах”, – гаворыцца ў пэтыцыі, якая зьявілася на інтэрнэт-пляцоўцы “Зручны горад”.

Ініцыятыва “Кабылякі. Расстраляныя ў Воршы”, якая займаецца дасьледаваньнем сталінскіх рэпрэсіяў і пошукам зьвестак пра закатаваных камуністамі людзей, заснавала свой сайт, паведамляе Беларускае Радыё Рацыя.

Мужчына даведаўся, што аштрафаваны за “расьпіцьцё алькаголю” на аршанскім вакзале толькі тады, калі ў дачыненьні да яго распачалі выканаўчае справаводзтва. Паведаміў у пракуратуру, што проста фізычна ня мог учыніць правапарушэньне, бо знаходзіўся на момант складаньня пратаколу за паўтысячы кілямэтраў ад Воршы. Пастановы суду і міліцыі – скасаваныя.

Аддзел спорту і турызму Аршанскага райвыканкаму пад грыфам “Вельмі тэрмінова” разаслаў кіраўнікам прадпрыемстваў і арганізацыяў раёну “просьбу” прыняць меры па набыцьці квіткоў на хатнія гульні аршанскага “Лякаматыву”, які згуляе ў “Кубку Салея”. Інфармацыю пра гэта апублікаваў тэлеграм-канал NEXTA.

Апублікавана ў Правы працоўных

Кіраўнік Аршанскага раёну Ігар Ісачанка на сустрэчы з працоўнымі калектывамі расказаў, як у рэгіёне выконваецца Указ № 506. “Пачуць зь першых вуснаў пра пэрспэктывы разьвіцьця рэгіёну, задаць жыцьцёва важныя пытаньні на сустрэчу прыйшло больш за 400 чалавек”, – інфармуе orshanka.by.

Апублікавана ў Дзяржава

Упраўленьне па адукацыі Аршанскага райвыканкаму разаслала кіраўнікам школ і гімназій раёну дырэктыву (пад грыфам “Тэрмінова!!!”) аб набыцьці квіткоў на канцэрты XXVIII Міжнароднага фэстывалю мастацтваў “Славянскі базар у Віцебску”. Паперу апублікаваў на сваім тэлеграм-канале блогер NEXTA.

Апублікавана ў Правы працоўных