А што да інцыдэнту, які адбыўся ў Смалянах 17 красавіка, калі толькі пратэсты шырокай грамадзкасьці дапамаглі спыніць канчатковае зьнішчэньне кляштарнага будынку ля дамініканскага касьцёлу Найсьвяцейшай Панны Марыі, трэба ня толькі пакараць вінаватых, але і стварыць адпаведную службу ці ў складзе наяўных праваахоўных ворганаў, ці ў якасьці асобнай спэцслужбы, як, прыкладам, у Італіі або Эгіпце, каб аказваць супраціў нелегальнаму рабаваньню гісторыка-археалягічна-мастацкай спадчыны. Бо ў Смальянах, у прыватнасьці, ужо былі выпадкі, калі «чорныя капальнікі» рабавалі старажытныя пахаваньні. Падобнае можа адбыцца і цяпер, калі не спыніць ахвотных да саматужных раскопак на тэрыторыі дамініканскага кляштару, дзе спэцтэхнікай ужо вырытыя 2 яміны, куды зьбіраліся скінуць парэшткі зруйнаванага кляштарнага будынку.

Крыніца: Радыё Свабода