Віцебскі райвыканкам паведаміў аб правядзеньні грамадзкіх абмеркаваньняў “архітэктурна-плянавай канцэпцыі” будаўнічага аб’екту ў аграгарадку Мазалава. А менавіта – “спэцыялізаванага гандлёвага пункту для стварэньня недзяржаўнай сеткі па рэалізацыі тытунёвых вырабаў”. Як высьветлілася, у Мазалаве плянуюць усталяваць шапік “Табакерка”.

7 сьнежня кіраўніца аддзелу ЖКГ Віцебскага раёну Кацярына Воінава склала пратакол аб адміністрацыйным правапарушэньні грамадзянінам Янам Дзяржаўцавым. Паводле пратаколу, актывіст парушыў правілы пахаваньня чалавечых парэшткаў, бо зьдзейсьніў пахаваньне ў месцы, не прызначаным для гэтага. Цяпер яго чакае суд.

Сустрэча прадстаўнікоў улады з грамадзянамі, якія выказалася за ўсталяваньне памятных крыжоў на месцы масавых пахаваньняў ля вёскі Хайсы і падпісаліся за гэта пад зваротам да старшыні аблвыканкаму, адбылася ў залі Мазалаўскага сельскага выканкаму 31 траўня.

Калі грамадзкасьць не запатрабуе праўдзівага расьсьледаваньня, парэшткі рэпрэсаваных ізноў пахаваюць як ахвяраў фашыстаў, упэўненыя актывісты аргкамітэту грамадзянскай ініцыятывы «Хайсы».