Ініцыятыўныя грамадзяне збіраюць подпісы за захаванне блакітных елак у цэнтры Бешанковіч
03 чэрвеня ў сетцы інтэрнэт з'явілася петыцыя № 5343, аўтары якой прапануюць грамадзянам звярнуцца да мясцовых уладаў з просьбай не высякаць блакітныя елкі ў цэнтры Бешанковіч. За два дні з пачатку з'яўлення ініцыятывы пад зваротам падпісалася больш за 80 чалавек. Тэкст петыцыі можна знайсці, прачытаць і падпісаць тут.
Барда Георгія Станкевіча аштрафавалі на 2 240 рублёў «за пікет на сайце «Віцебскай Вясны»
Бешанковіцкі паэт і журналіст Георгі Станкевіч, затрыманы сёння ўранні, вярнуўся дахаты пасля суду. Суддзя Наталля Рэут аштрафавала яго на 70 базавых велічынь (2 240 рублёў) за «пікетаванне без дазволу раённай адміністрацыі». Пікетам суд палічыў фотаздымак, размешчаны на сайце «Віцебскай Вясны»: на ім Георгі Станкевіч стаіць на фоне бел-чырвона-белага сцяга.
У Бешанковіцкім раёне затрымалі паэта і барда Георгія Станкевіча
У Бешанковіцкім раёне затрыманы журналіст і бард Георгі Станкевіч. Пра гэта паведаміла ягоная жонка. Паводле яе, міліцыя палявала на Георгія ад 3 сакавіка: непадалёк ад ягонага дома ў вёсцы Старыя Ранчыцы дзяжурыла міліцэйская машына. Падобна, сачэнне адбывалася ўсю ноч, бо ўжо з раніцы супрацоўнікі МУС прыйшлі з ператрусам.
Валянтэры з Расеі ўпарадкоўваюць габрэйскія клады на ўскраіне Бешанковічаў
Чарговая валянтэрская экспэдыцыя, што складаецца зь дзесяцярых грамадзян Расеі, праходзіць у Бешанковічах. Разам з расейцамі ўжо чацьверты сэзон запар працуе і вядомы бешанковіцкі краязнаўца Станіслаў Леаненка. На цяперашні момант валянтэрамі ачышчана ўжо недзе чатыры пятых усёй плошчы могілак.
У выніку будаўніцтва Бешанковіцкай ГЭС загіне каля 200 га лесу – справаздача
Праз будаўніцтва Бешанковіцкай ГЭС у зону затапленьня трапіць 223,65 га ляснога фонду. А значыцца, загіне 176,79 га пакрытых лесам зямель, у тым ліку 11,17 га (6,32%) асабліва каштоўных расьлінных згуртаваньняў, гаворыцца ў справаздачы аб ацэнцы ўзьдзеяньня на навакольнае асяродзьдзе будаўніцтва Бешанковіцкай ГЭС на Заходняй Дзьвіне.
Бешанковічы: Талака на папялішчы магла б сабраць больш людзей
Трагедыя, якая напаткала сям’ю вядомага сярод нацыянальна арыентаваных беларусаў прадпрымальніка зь Бешанковічаў Уладзімера Рамановіча, не пакінула абыякавымі грамадзкасьць. Людзі пералічвалі на заяўленыя рахункі грошы і прапаноўвалі іншыя віды дапамогі. А мясцовая ўлада выдзеліла 50 кубамэтраў лесу на корані. А ў нядзелю, 3 сьнежня, усе запрашаліся на талаку...
Ягор Левачоў: Патрэбныя законы, якія б прадухілялі масавае беспрацоўе
Ягору Левачову – дваццаць два гады. Пра такіх кажуць: малады ды раньні. Сёлета кампанія «Гавары праўду» прапанавала яму ўдзельнічаць у выбарах, і цяпер актывіст зьяўляецца кандыдатам у дэпутаты Палаты прадстаўнікоў па Лепельскай выбарчай акрузе № 23.
Ягор Левачоў правёў пікеты ў Бешанковічах і Чашніках
Вылучэнец у дэпутаты ад кампаніі «Гавары праўду» па Лепельскай выбарчай акрузе № 23 Ягор Левачоў разам зь сябрамі сваёй ініцыятыўнай групы цягам апошніх тыдняў зладзіў шэраг пікетаў з мэтай збору подпісаў. Сярод іншага такія пікеты адбыліся ў Бешанковічах і Чашніках.
У Бешанковічах зьбіраюцца зьнішчыць помнік культуры 19 стагодзьдзя?
Напрыканцы студзеня ў бешанковіцкай раённай газэце «Зара» зьявіўся артыкул памочніка пракурора Веры Ларковай. Размова ў ім вялася наконт «лядашчага» двухпавярховага будынку па вуліцы Мічурына, 19.
У Бешанковічах на габрэйскіх могілках урачыста адкрылі сымбалічную браму
11 лютага 1942 году ўсе габрэі бешанковіцкага гета (каля 3 000 чалавек) былі выведзеныя на другі бок Дзьвіны і расстраляныя. 11 лютага 2016 году на месцы расстрэлу адбыўся жалобны мітынг.