Не – сьмяротнаму пакараньню! Віцебскі праваабаронца падаў заяўку на пікет
Згодна з заявай аб правядзеньні пікетаваньня, пададзенай праваабаронцам Леанідам Сьвецікам у адміністрацыю Чыгуначнага раёну Віцебску, імпрэза мусіць адбыцца 12 кастрычніка на пляцоўцы, адмыслова вызначанай гарвыканкамам пад масавыя мерапрыемствы. Асноўная мэта пікету – публічна адзначыць у горадзе Сусьветны дзень супраць сьмяротнай кары.
КПЧ ААН: Трэба мяняць рашэньне Віцебскага гарвыканкаму аб масавых мерапрыемствах
«Камітэт ізноў заяўляе, што дзяржаве-удзельніку трэба перагледзець сваё заканадаўства,... у прыватнасьці рашэньне № 881 Віцебскага гарадзкога раённага камітэту,... з мэтай спрыяньня поўнаму ажыцьцяўленьню ў дзяржаве-удзельніку правоў, замацаваных у артыкулах 19 і 21 Пакту», – гаворыцца ў надоечы апублікаваных чарговых меркаваньнях Камітэту ААН па правох чалавека (КПЧ), прынятых ім датычна скаргаў праваабаронцы Паўла Левінава.
Актывістак БХД аштрафавалі бязь іх удзелу ў судовым працэсе
Суд Першамайскага раёну Віцебску за пікетаваньне рэстарацыі «Паедзем паядзім» аштрафаваў 5 верасьня дзьвюх віцебскіх актывістак аргкамітэту партыі БХД Ірыну Захараву і Тацяну Севярынец.
“Па 500 тут няма”. Судзьдзя Віцебскага аблсуду Смалякова пастанавіла зьнішчыць плякат аршанца
Віцебскі абласны суд разгледзеў 27 чэрвеня скаргу аршанца Рамана Кузьмянкова на пастанову суду Аршанскага раёну і гораду Воршы, які пакараў яго штрафам у памеры 22 б.в. за пікет з плякатам “Па 500 тут няма” (ч.3 арт. 23.34 КаАП). Судзьдзя аблсуду Ірына Смалякова пакінула пастанову бязь зьменаў, а скаргу не задаволіла. Указаньне аб “канфіскацыі пляката” замяніла на яго “зьнішчэньне”…
Ворша: Чарговы адзіночны пікет – чарговы штраф. Ізноў за «Па 500 тут няма»
Аршанец Раман Кузьмянкоў пачаў штотыдзень выходзіць на адзіночныя пікеты. На сваім другім пікеце 21 траўня ён ізноў стаяў з самаробным плякатам «Па 500 тут няма» – вядзецца пра калісьці абяцаныя заробкі беларусам у 500 даляраў на месяц.
З кватэры жыхара Воршы, які пікетаваў з плякатам «Па 500 тут няма», канфіскавалі аргтэхніку
У кватэры 28-гадовага Рамана Кузьмянкова правялі ператрус, забралі аргтэхніку і дапыталі ў сьледчым камітэце, навошта ён піша звароты ў райвыканкам, крытыкуючы мясцовыя ўлады.
Віцяблянкі гатовыя далучыцца да галадоўкі “Матчынага Руху 328”
Віцебскія маці асуджаных па артыкуле 328 КК РБ (Незаконны абарот наркатычных рэчываў) гатовыя далучыцца да галадоўкі, якую 27 красавіка абвесьцілі ўдзельнікі “Матчынага Руху 328”. Агулам па краіне – у вёсцы Востраў Пухавіцкага раёну, у Калінкавічах і Магілёве – галадае ўжо каля 30 жанчын.
Пікет ля амбасады Беларусі ў Лёндане: Bring Human Rights to Vićba IK 3
12 сакавіка каля беларускай амбасады ў Лёндане прайшоў пікет у падтрымку грамадзяніна Вялікай Брытаніі Алана Сьміта, які адбывае тэрмін у папраўчай калёніі №3 пад Віцебскам па абвінавачаньні ў арганізацыі нелегальнай міграцыі.
Ля беларускай амбасады ў Летуве прайшоў пікет у падтрымку вязьняў калёніі «Віцьба-3»
Пра акцыю, што адбылася ў нядзелю, 25 лютага, распавёў у сваім блогу на пляцоўцы livejournal.com адзін зь яе ўдзельнікаў Аляксандар Лапшын. «Сёньня ў Вільні люты мароз, -15 градусаў і вецер. Але мы вольныя, і адразу пасьля пікету пойдзем у кавярню. А сябры ў беларускай турме замярзаюць у халодных камэрах, ходзяць на дзірку ў падлозе і мыюцца ледзяной вадой», – напісаў блогер.
Ірына Яскевіч: У людзей адбілі ахвоту хадзіць на выбары
Чарговы агітацыйны пікет зладзіла 9 лютага ў Віцебску кандыдатка ў мясцовыя дэпутаты ад АГП Ірына Яскевіч. Агітавала людзей, каб галасавалі за сваіх суседзяў, якія ня будуць чакаць сьлесара з ЖКГ, каб наладзіць дабрабыт і жыцьцё ў акрузе. “Я вашая суседка!” – казала мінакам.