Крымінальная справа супраць аршанскага праваабаронцы спыненая
У Воршы следчыя органы спынілі крымінальную справу супраць мясцовага грамадзянскага актывіста Ігара Казмерчака. Яму ставілася наўмыснае знішчэнне або пашкоджанне чужой маёмасці, якія пацягнула прычыненне шкоды ў значным памеры. Максімальнае пакаранне за такое дзеянне, прадугледжанае крымінальным законам, магло быць прызначанае судом у выглядзе абмежавання волі на тэрмін да двух гадоў.
У Воршы прайшло абмеркаваньне грамадзкіх слуханьняў
Круглы стол арганізавалі рух «За свабоду» і фундацыя імя Льва Сапегі. Грамадзкія актывісты абмеркавалі эфэктыўнасьць і справядлівасьць тых грамадзкіх слуханьняў, якія рэгулярна праходзяць у краіне.
Грамадзянская супольнасьць Віцебшчыны – за ўмацаваньне дзяржаўнага сувэрэнітэту
Канфэрэнцыя «Беларуская дзяржаўнасьць. Гісторыя і сучаснасьць» прайшла ў Віцебску 5 студзеня. Імпрэза пачалася супольным сьпевам рэлігійнага нацыянальнага гімну «Магутны Божа» і скончылася прыняцьцем выніковай рэзалюцыі. Уся дзея праходзіла ў актавай залі абласной бібліятэкі.
У Воршы прайшла дыскусія па праблеме сьмяротнага пакараньня ў Беларусі
З аршанцамі сустрэўся каардынатар кампаніі “Праваабаронцы супраць сьмяротнага пакараньня” Андрэй Палуда, які прэзэнтаваў комікс “Мама, гэта я”. Жыхары Воршы прадставілі землякам і ўласныя творчыя напрацоўкі на тэму сьмяротнага пакараньня.
Ворша: УВК даюць нерэальныя лічбы па галасаваньні на даму
У Воршы ў дзень асноўнага галасаваньня выбарчыя камісіі з мэтай забесьпячэньня яўкі робяць стаўку на галасаваньне на даму. У сьпісах некаторых УВК колькасьць выбаршчыкаў, прагаласаваўшых на даму, удвая перавышае колькасьць тых, хто прыйшоў галасаваць на ўчастак. Сябры камісіяў зь пераноснымі скрынямі для галасаваньня заяўляюцца да выбаршчыкаў, якія іх пра гэта не прасілі, і пазбаўляюцца ад пільных назіральнікаў ад апазыцыі.
Аршанскія ўлады паабяцалі правесьці дасьледаваньні ў мясьцінах сталінскіх расстрэлаў
Абяцаньне дасьледаваць мясцовасьць ва ўрочышчы Кабыляцкая гара – афіцыйна прызнаным месцы расстрэлаў – ёсьць у пісьмовым адказе мясцовым актывістам, якія выказалі пратэст супраць будаўніцтва дарогі «на трупах».
Удзельнікі Беларускага праваабарончага форуму зь Віцебшчыны: Імпрэза цалкам апраўдала нашы чаканьні
IV Беларускі праваабарончы форум, што праходзіў у Вільні з 19 па 21 кастрычніка, адзначыўся ня толькі вялікім прадстаўніцтвам – на мерапрыемства зьехаліся сябры 29-ці праваабарончых арганізацыяў краіны, але і шырокім удзелам у ім прадстаўнікоў рэгіёнаў. Мы папрасілі ўдзельнікаў форуму зь Віцебскай вобласьці падзяляцца сваімі ўражаньнямі ад імпрэзы і распавесьці, чаго яны чакалі ад форуму і ці спраўдзіліся іх спадзяваньні.
Грамадзянская супольнасьць Аршаншчыны – супраць сьмяротнага пакараньня
У межах кампаніі «Тыдзень супраць сьмяротнага пакараньня» ў вёсцы Стаўры, што пад Воршай, прайшла тэматычная дыскусія «Масавыя рэпрэсіі і сьмяротнае пакараньне». Партыйныя і грамадзкія актывісты Аршанскага рэгіёну, журналісты і праваабаронцы зь Менску і Віцебску, сваякі рэпрэсаваных і проста неабыякавыя грамадзяне абмеркавалі праблему сьмяротнага пакараньня ў Беларусі.
Улады плянуюць зараўнаваць катком пахаваньне ахвяр сталінскіх рэпрэсіяў пад Воршай?
У Воршы распрацоўваецца новы генэральны плян, які вызначыць, якім будзе горад да 2030 году. Сярод прапанаваных архітэктарамі пунктаў ёсьць і скандальны: плянуецца пабудаваць дзьве дарогі, якія пройдуць наўпрост па месцах масавых сталінскіх расстрэлаў на Кабыляцкай гары і каля Магілёўскай шашы.
Перад сьвятам: аблавы на партыйных і грамадзянскіх актывістаў
Пярэдадне 25 сакавіка ў Віцебскай вобласьці, як і па ўсёй краіне, адзначылася беспрэцэдэнтным ціскам з боку праваахоўных органаў на актывістаў грамадзянскай супольнасьці. Зьвесткі пра выклікі ў міліцыю, затрыманьні, ператрусы паступаюць увесь час.