У суботу 19 кастрычніка ў Віцебскай абласной навукова-тэхнічнай бібліятэцы эколяг-экспэрт зь Менску Натальля Блышчык выступіла зь лекцыяй “Дык што ў нас там з адкідамі?”. Сустрэча прайшла ў межах адукацыйнага праекту “АГА” (Адкрытая грамадзянская адукацыя).

Днямі ў Віцебску зь лекцыяй “Як гэта было, ці Станаўленьне беларускай дзяржаўнасьці ў 90-я” выступіў вядомы беларускі палітоляг, памочнік дэпутаткі Алены Анісім і праваабаронца Міхаіл Мацкевіч. Сустрэча прайшла ў межах адукацыйнага праекту “ОГО” ў Віцебскай абласной навукова-тэхнічнай бібліятэцы.

Вядомы беларускі эканаміст і вядоўца праграмы “Эканоміка на пальцах” Сяргей Чалы выступіў 16 сакавіка ў Віцебску зь інтэрактыўнай лекцыяй “Што будзе з беларускай эканомікай?” Імпрэза адбылася пры падтрымцы ініцыятывы “Цэнтар новых ідэяў” і выклікала аншляг…

Каб распавесьці віцебчукам пра магчымыя наступствы ўжываньня наркатычных рэчываў, актывісты кампаніі Legalize Belarus зладзілі 24 лютага лекцыю і дыскусію ў “Бітлз-клюбе”. У сустрэчы ўзялі ўдзел віцебскія праваабаронцы, журналісты, сацыяльныя работнікі і нават – лекары.

26 студзеня ў Арт-прасторы VZAP адбылася першая ў гісторыі Віцебску канфэрэнцыя TEDxVitebsk у фармаце і на ўмовах ліцэнзіі сусьветна вядомага праекту TED (Technology Entertainment Design (тэхналёгіі, забавы, дызайн).

На перадапошніх у гэтым годзе занятках бясплатных лекцыйных курсаў «Віцебск: рэальная і папулярная гісторыя роднага гораду» архітэктары Аляксандар Міхайлюкоў і Глеб Арлоўскі падзяліліся з прысутнымі сваім бачаньнем адносна рэгенэрацыі, рэстаўрацыі і захаваньня аб'ектаў культурна-гістарычнай спадчыны Віцебску. Лекцыя пад назвай «Чорная і чырвоная кнігі Віцебску, аскепкі архітэктурнай спадчыны» сабрала амаль поўную залю слухачоў.

У Віцебску 5 верасьня прайшла адкрытая размова-лекцыя «Крэш-курс рэфарматара: як пабудаваць новую Беларусь». Арганізатарам стала беларуская грамадзкая арганізацыя «Цэнтар новых ідэяў», а ў якасьці сьпікераў выступілі Алесь Аляхновіч, асьпірант Варшаўскай школы эканомікі, і віцэ-прэзыдэнт Цэнтру сацыяльных і эканамічных дасьледаваньняў «CASE Belarus» ды заснавальнік «Цэнтру новых ідэяў» Рыгор Астапеня.

Распачаў трохдзённы цыкль асьветніцкіх імпрэзаў прадстаўнік праваабарончага цэнтру “Вясна”, каардынатар кампаніі “Праваабаронцы супраць сьмяротнага пакараньня” ў Беларусі Андрэй Палуда, які ўвечары 20 красавіка прачытаў лекцыю ў арт-цэнтры VZAP.

У межах сьвяткаваньня 100-гадовага юбілею абвяшчэньня Беларускай Народнай Рэспублікі ў Эўрапейскім клюбе прайшла лекцыя менскага гісторыка Анатоля Сідарэвіча «Вытокі беларускай дзяржаўнасьці». Паслухаць гісторыю ўзьнікненьня БНР прыйшлі палітычныя актывісты гораду і шараговыя месьцічы.

Шырока анансаваныя бясплатныя курсы для ўсіх ахвотных «Віцебск: рэальная і папулярная гісторыя роднага гораду» распачалі сваю працу ўвечары 13 верасьня ў нямецкай залі абласной бібліятэкі з тэмы «Віцебск дагарадзкі» ( «Віцебск балцкі»).