Круглы стол арганізавалі рух «За свабоду» і фундацыя імя Льва Сапегі. Грамадзкія актывісты абмеркавалі эфэктыўнасьць і справядлівасьць тых грамадзкіх слуханьняў, якія рэгулярна праходзяць у краіне.

Апублікавана ў Рознае

Канфэрэнцыя «Беларуская дзяржаўнасьць. Гісторыя і сучаснасьць» прайшла ў Віцебску 5 студзеня. Імпрэза пачалася супольным сьпевам рэлігійнага нацыянальнага гімну «Магутны Божа» і скончылася прыняцьцем выніковай рэзалюцыі. Уся дзея праходзіла ў актавай залі абласной бібліятэкі.

Апублікавана ў Дзяржава

З аршанцамі сустрэўся каардынатар кампаніі “Праваабаронцы супраць сьмяротнага пакараньня” Андрэй Палуда, які прэзэнтаваў комікс “Мама, гэта я”. Жыхары Воршы прадставілі землякам і ўласныя творчыя напрацоўкі на тэму сьмяротнага пакараньня.

Апублікавана ў Сьмяротнае пакараньне

У Воршы ў дзень асноўнага галасаваньня выбарчыя камісіі з мэтай забесьпячэньня яўкі робяць стаўку на галасаваньне на даму. У сьпісах некаторых УВК колькасьць выбаршчыкаў, прагаласаваўшых на даму, удвая перавышае колькасьць тых, хто прыйшоў галасаваць на ўчастак. Сябры камісіяў зь пераноснымі скрынямі для галасаваньня заяўляюцца да выбаршчыкаў, якія іх пра гэта не прасілі, і пазбаўляюцца ад пільных назіральнікаў ад апазыцыі.

Апублікавана ў Выбары

Абяцаньне дасьледаваць мясцовасьць ва ўрочышчы Кабыляцкая гара – афіцыйна прызнаным месцы расстрэлаў – ёсьць у пісьмовым адказе мясцовым актывістам, якія выказалі пратэст супраць будаўніцтва дарогі «на трупах».

Апублікавана ў Дзяржава

IV Беларускі праваабарончы форум, што праходзіў у Вільні з 19 па 21 кастрычніка, адзначыўся ня толькі вялікім прадстаўніцтвам – на мерапрыемства зьехаліся сябры 29-ці праваабарончых арганізацыяў краіны, але і шырокім удзелам у ім прадстаўнікоў рэгіёнаў. Мы папрасілі ўдзельнікаў форуму зь Віцебскай вобласьці падзяляцца сваімі ўражаньнямі ад імпрэзы і распавесьці, чаго яны чакалі ад форуму і ці спраўдзіліся іх спадзяваньні.

 

Апублікавана ў Праваабаронцы

У межах кампаніі «Тыдзень супраць сьмяротнага пакараньня» ў вёсцы Стаўры, што пад Воршай, прайшла тэматычная дыскусія «Масавыя рэпрэсіі і сьмяротнае пакараньне». Партыйныя і грамадзкія актывісты Аршанскага рэгіёну, журналісты і праваабаронцы зь Менску і Віцебску, сваякі рэпрэсаваных і проста неабыякавыя грамадзяне абмеркавалі праблему сьмяротнага пакараньня ў Беларусі.

Апублікавана ў Сьмяротнае пакараньне

У Воршы распрацоўваецца новы генэральны плян, які вызначыць, якім будзе горад да 2030 году. Сярод прапанаваных архітэктарамі пунктаў ёсьць і скандальны: плянуецца пабудаваць дзьве дарогі, якія пройдуць наўпрост па месцах масавых сталінскіх расстрэлаў на Кабыляцкай гары і каля Магілёўскай шашы.

Апублікавана ў Дзяржава

Пярэдадне 25 сакавіка ў Віцебскай вобласьці, як і па ўсёй краіне, адзначылася беспрэцэдэнтным ціскам з боку праваахоўных органаў на актывістаў грамадзянскай супольнасьці. Зьвесткі пра выклікі ў міліцыю, затрыманьні, ператрусы паступаюць увесь час.

Апублікавана ў Акцыі

Найвялікшая ў гісторыі гораду за апошнія дзесяцігодзьдзі акцыя пратэсту адбылася ў Воршы 12 сакавіка. У «Маршы недармаедаў» тут узялі ўдзел звыш тысячы чалавек. Больш за 20 чалавек – арыштаваныя. Затрыманьні пачаліся яшчэ да пачатку акцыі пратэсту. Сярод арыштаваных – незалежныя журналісты і палітычныя дзеячы. Суды над імі адбудуцца 13 сакавіка.

Апублікавана ў Акцыі
Старонка 1 з 2