Так, КДК выявіў, што зь перавышэньнем на 8 дзён вызначанага месячнага тэрміну з моманту апублікаваньня крытычнага матэрыялу адказала на крытыку ў мясцовай гарадзкой газеце УКПП “Віцебская гарадзкая жыльлёва-камунальная гаспадарка”. Інфармацыя Камітэту дзяржкантролю стала падставай для прыцягненьня да дысцыплінарнай адказнасьці намесьніка генэральнага дырэктара гэтага прадпрыемства.

Зь перавышэньнем вызначанага месячнага тэрміну з моманту апублікаваньня крытычнага матэрыялу ў раённай газэце адрэагавала УП ЖКГ Міёрскага раёну. Інфармацыя пра парушэньне Камітэтам дзяржкантролю накіраваная ў Мёрскі райвыканкам для прыняцьця мер рэагаваньня. Галоўны інжынэр УП ЖКГ Міёрскага раёну прыцягнуты да дысцыплінарнай адказнасьці - яму абвешчаная вымова.

Выяўленыя факты, калі асобныя арганізацыі і зусім не рэагавалі на крытычныя выступы ў СМІ - не накіроўвалі адказы, нягледзячы на ​​тое, што рэдакцыі інфармавалі іх пра матэрыялы, што выйшлі. У прыватнасьці, у ходзе кантрольных мерапрыемстваў КДК высьветлілася, што ААТ “Пурплева”, ААТ “Какоўчына”, КУСГП “Насеньняводчы саўгас імя Данукалава”, ААТ “Беленева” і ААТ “Сеньненскі райаграсэрвіс” Сеньненскага раёну не адказалі рэдакцыям раённых газэт пра вынікі разгляду крытычных матэрыялаў і прынятых мерах. Па прапанове Камітэту дзяржкантролю да дысцыплінарнай адказнасьці прыцягнутыя кіраўнікі гэтых прадпрыемстваў.

Крыніца: БелТА