Былі выяўленыя неадзінкавыя факты парушэньня зацьверджаных графікаў адпачынкаў на год. Часта ў заявах работнікаў аб пераносе працоўных водпускаў не выконваліся патрабаваньні заканадаўчых нормаў аб указаньні прычын такіх пераносаў, не ўтрымлівалася пісьмовых просьбаў аб неабходнасьці пераносаў. Акрамя таго, выяўленыя факты неазнаямленьня работнікаў з выдаванымі ў дачыненьні да іх загадамі па асабістым складзе, у тым ліку адсутнасьці зьвестак аб азнаямленьні работнікаў з загадамі аб прыцягненьні іх да дысцыплінарнай адказнасьці.

“Выкананьне патрабаваньняў заканадаўства аб захаванасьці ўласнасьці таксама выклікала шэраг нараканьняў”, - падкрэсьліла Натальля Калпакова, адзначыўшы, што па выніках праверкі зробленая выснова аб несвоечасова праводжанай пазоўна-прэтэнзійнай працы. “Віцебскаўтадар” зьяўляецца прадпрыемствам дзяржаўнай формы ўласнасьці, у сувязі з чым праца па спагнаньні пратэрмінаванай запазычанасьці павінна быць своечасовай, нягледзячы на тое, што парадак вядзеньня пазощна-прэтэнзійна працы, тэрміны накіраваньня пррэтэнзійных лістоў заканадаўствам ня вызначаныя”, - дадала пракурор.

Асобныя недахопы ёсьць і ў працы са зваротамі грамадзян і юрыдычных асоб, канстатавала Натальля Калпакова. Так, ня ўсюды грамадзянам растлумачаны парадак абскарджаньня адказаў на звароты, не на ўсіх зваротах прастаўленыя рэгістрацыйныя штампы.

У выніку праведзеных праверак у адрас генэральнага дырэктара прадпрыемства накіраванае прадстаўленьне аб ліквідацыі адзначаных парушэньняў заканадаўства, а таксама прычын і ўмоў, якія ім спрыяюць. Гаррайпракурорамі таксама прынятыя меры пракурорскага рэагаваньня.

Крыніца: БелТА