Напрыклад, у мэтах выключэньня фактаў прыцягненьня да долевага будаўніцтва нядобрасумленных забудоўшчыкаў заканадаўствам прадугледжаны абавязак па іх праверцы на прадмет наяўнасьці запазычанасьцяў па падатках, зборах (пошлінах) і іншых абавязковых плацяжах у бюджэт. Пракурорская праверка паказала, што такая інфармацыя не заўсёды падавалася забудоўшчыкамі для вывучэньня і аналізу. Мелі месца выпадкі рэгістрацыі дамоваў стварэньня аб’ектаў долевага будаўніцтва пры адсутнасьці гэтых зьвестак. Гэтыя акалічнасьці пры пэўных умовах маглі абцяжарваць дзейнасьць па забесьпячэньні правоў дольшчыкаў у выпадку адхіленьня паказчыкаў фінансавай устойлівасьці забудоўшчыкаў ад устаноўленых нарматываў.

Апрача таго, праектныя дэклярацыі з інфармацыяй аб забудошчыку і праекце будаўніцтва не заўсёды ўтрымлівалі ўсе неабходныя зьвесткі. У прыватнасьці, у некаторых выпадках у гэтых дэклярацыях не былі пададзеныя фактычныя цэны аб’ектаў долевага будаўніцтва. Кошт будаўніцтва пазначаўся ў базысных цэнах 2006 году, г.зн. значна ніжэйшы за рэальны кошт жытла. Тым самым грамадзяне маглі быць уведзеныя ў зман адносна кошту квадратнага мэтра жытла ў будуемым доме.

Выяўленыя факты невыкананьня патрабаваньняў заканадаўства пры рэгістрацыі дамоваў стварэньня аб’ектаў долевага будаўніцтва. Мелі месца выпадкі несвоечасовага ўводу ў эксплёатацыю жылых дамоў, зацягваньня тэрмінаў будаўніцтва, што пацягнула павелічэньне кошту квадратнага мэтра жытла. Дапускалася падаўжэньне тэрмінаў уводу ў эксплёатацыю аб’ектаў долевага будаўніцтва без запатрабаваньня ўсіх прадугледжаных заканадаўствам дакумэнтаў. Належны аналіз праўдзівасьці зьвестак, указаных у заявах аб падаўжэньні тэрмінаў, і абгрунтаванасьці прычын падаўжэньня гэтых тэрмінаў не праводзіўся.

Выяўленыя парушэньні заканадаўства аб зваротах грамадзян і юрыдычных асоб і пры разглядзе заяў дольшчыкаў на будаўніцтва іншых жылых дамоў. Па выніках праверкі пракуратурай Віцебскай вобласьці ў Віцебскі аблвыканкам адпраўленае адпаведнае прадстаўленьне, па выніках разгляду якога прынятыя меры да ліквідацыі выяўленых парушэньняў, вінаватыя службовыя асобы прыцягнутыя да дысцыплінарнай адказнасьці.

Крыніца: БелаПАН