Улады адказалі на заяўку наконт шэсьця 25 сакавіка ў Віцебску
Для ўручэньня афіцыйнага адказу заяўнік масавага мерапрыемства, актывіст Беларускага нацыянальнага кангрэсу Ўладзімер Кійко быў запрошаны ў адміністрацыю Кастрычніцкага раёну.
У Віцебску пададзеная заяўка на правядзеньне шэсьця ў Дзень Волі
З нагоды 100-гадовага юбілею абвяшчэньня Беларускай Народнай Рэспублікі актывіст Беларускага нацыянальнага кангрэсу Ўладзімер Кійко зьвярнуўся ў адміністрацыю Кастрычніцкага раёну гораду Віцебску з заяўкай на правядзеньне шэсьця ў цэнтры гораду 25 сакавіка.
Пётар Іваноў: Я падаў апэляцыю, каб даць ім шанец пазьбегнуць ганьбы
Віцебскі актывіст і старшыня незарэгістраванага грамадзкага аб’яднаньня “За сумленную ўладу” Пётар Іваноў накіраваў заяву ў 19 дзяржаўных інстанцый, у якой патлумачыў, чаму трэба скасаваць прысуд, вынесены яму Кастрычніцкім судом Віцебску 26 студзеня. Разгляд касацыйнай скаргі адбудзецца 20 сакавіка. “Я даю ім шанец не патрапіць пад каток гісторыі…” – кажа Іваноў.
Белсуд супраць “Белсату”. Віцяблян аштрафавалі амаль на 1200 рублёў за здымкі ў Воршы
Суд Кастрычніцкага раёну Віцебску пакараў віцяблян Віталя Скрыля і Ўладзімера Лунёва штрафамі ў памеры 24 базавых велічынь, прызнаўшы іх вінаватымі ў незаконным вырабе і распаўсюдзе прадукцыі сродкаў масавай інфармацыі (частка 2 арт. 22.9 КаАП РБ).
Пʼяная камісія і адсутнасьць сумленнасьці – што ўбачыў карэспандэнт на выбарчым участку
У Беларусі завяршылася чарговая электаральная кампанія. Сумняваючыся ў сумленнасьці і справядлівасьці працэсу, многія жыхары краіны даўно ўжо ставяцца да такіх палітычных падзеяў зь недаверам, а часам і зь непрыхаваным абурэньнем.
“Гэта быў падвойны прысуд”. Пётар Іваноў абскарджвае рашэньне Кастрычніцкага суду Віцебску
Віцебскі актывіст Пётар Іваноў накіраваў у абласны суд касацыйную скаргу на рашэньне суду Кастрычніцкага раёну Віцебску, які 26 студзеня пакараў яго штрафам у памеры 85 базавых велічынь. Просіць адмяніць “заведама злачынны прысуд” і скасаваць крымінальную справу.
У Віцебску абвясьцілі прысуд Пятру Іванову: больш за 2 тысячы рублёў штрафу
У Кастрычніцкім судзе Віцебску 26 студзеня агучылі прысуд віцебскаму актывісту Пятру Іванову. Суд прызнаў яго вінаватым у зьдзяйсьненьні гвалту ў дачыненьні да службовай асобы падчас выкананьня той службовых абавязкаў (ч.1 арт. 366 КК РБ) і пакараў штрафам памерам 85 базавых велічынь. Іваноў быў вызвалены з-пад варты ў залі суду.
Праваабаронца Павал Левінаў паведаміў аб катаваньнях у віцебскім СІЗА спэцдакладчыку ААН
Віцебскі праваабаронца Павал Левінаў накіраваў тэрміновае паведамленьне спэцдакладчыку ААН па пытаньнях катаваньняў у сувязі з заявамі, якія зрабіў падчас судовых паседжаньняў актывіст Пётар Іваноў. У прыватнасьці, Іваноў паведаміў суду, што 7,8 і 12 сьнежня ў СІЗА яго жорстка зьбівалі ў мэтах атрыманьня прызнальных паказаньняў.
“У СІЗА мяне зьбівалі да паўсьмерці”. У Віцебску пачаўся судовы працэс супраць Пятра Іванова
У панядзелак, 15 студзеня, у судзе Кастрычніцкага раёну Віцебску адбылося першае паседжаньне па крымінальнай справе, распачатай супраць актывіста Пятра Іванова. Яго абвінавачваюць паводле 1-й часткі арт. 366 КК РБ (гвалт альбо пагроза ў дачыненьні да службовай асобы, якая выконвае службовыя абавязкі). Падчас паседжаньня актывіст заявіў, што ў СІЗА яго жорстка зьбівалі.
Выбары ў Віцебску: участковыя камісіі сфармаваныя па старых лякалах
Раённыя адміністрацыі Віцебску завяршылі фармаваньне складаў участковых камісій па выбарах дэпутатаў гарадзкога Савету дэпутатаў дваццаць восьмага скліканьня. Неўзабаве камісіі пачнуць працаваць, а зарэгістраваныя кандыдаты ў дэпутаты зоймуцца агітацыяй.