“Жыве Беларусь! Жыве вечна! Жыве з Богам!” – напісаў у лісьце да віцебскіх праваабаронцаў палітвязень Міхаіл Жамчужны. Ён віншуе з Днём Волі ўсіх беларускіх патрыётаў і распавядае пра жыцьцё ў калёніі. Ліст ад палітвязьня прыйшоў напярэдадні сьвята з нагоды 101-й гадавіны БНР.

Віцебскія вернікі-каталікі атрымалі адказ з Адміністрацыі прэзыдэнта на просьбу дазволіць пробашчу катэдральнага касьцёлу ў Віцебску ксяндзу Паўлу Кнурэку служыць у Беларусі. Адміністрацыя выказала меркаваньне, што Ўпаўнаважаны па справах рэлігіяў і нацыянальнасьцяў, які не працягнуў ксяндзу дазвол на служэньне, беларускага заканадаўства не парушаў.

Вядомы беларускі эканаміст і вядоўца праграмы “Эканоміка на пальцах” Сяргей Чалы выступіў 16 сакавіка ў Віцебску зь інтэрактыўнай лекцыяй “Што будзе з беларускай эканомікай?” Імпрэза адбылася пры падтрымцы ініцыятывы “Цэнтар новых ідэяў” і выклікала аншляг…

Сьвяткуем 25-годзьдзе Канстытуцыі, але 23 зь іх наогул ня маем ніякай легітымнай Канстытуцыі, сьцьвярджае легендарны віцебскі дысыдэнт Барыс Хамайда. Тлумачыць, чаму так, і адказвае старшыні Цэнтарвыбаркаму Лідзіі Ярмошынай, якая нядаўна прапанавала ўносіць зьмены ў Асноўны Закон без рэфэрэндумаў.

На барацьбу супраць рэклямы наркакрамаў мабілізавалася грамадзтва, паведамляе рэгіянальны партал orsha.eu. Адзін з жыхароў Воршы набыў за ўласныя сродкі фарбу і выйшаў на вуліцу з пэндзьлем – зьнішчыў ужо некалькі дзясяткаў небясьпечных надпісаў.

Аддзяленьне міліцыі зьявілася ў мікрараёне Білева. Патрэба ў ім тлумачыцца тым, што Білева – “крайняя кропка Першамайскага раёну і знаходзіцца на значнай адлегласьці ад аддзелу ўнутраных спраў”. Новае аддзяленьне будзе функцыянаваць у структуры Першамайскага РАУС, піша афіцыйны сайт УУС Віцебскага аблвыканкаму.

Роўна два гады таму, 26 лютага 2017 года, у Віцебску прайшла самая масавая за апошнія гады акцыя пратэсту. На плошчы Перамогі сабралася больш за 2000 чалавек, якія прайшлі потым калёнай па цэнтральнай вуліцы гораду да плошчы Леніна. Там адбыўся мітынг. Карэспандэнт ВВ паразмаўляў з удзельнікам той акцыі.

Каб распавесьці віцебчукам пра магчымыя наступствы ўжываньня наркатычных рэчываў, актывісты кампаніі Legalize Belarus зладзілі 24 лютага лекцыю і дыскусію ў “Бітлз-клюбе”. У сустрэчы ўзялі ўдзел віцебскія праваабаронцы, журналісты, сацыяльныя работнікі і нават – лекары.

17 лютага ў Віцебскай абласной бібліятэцы ў межах праграмы “Разам да справы” прайшоў рэгіянальны прэс-клюб. Яго арганізатарамі выступілі грамадзкая культурніцкая кампанія “Будзьма беларусамі!” і Цэнтар дасьледаваньня грамадзкага кіраваньня SYMPA.

У Віцебску 16 лютага прайшоў трэнінг па рэгістрацыі і функцыянаваньні некамэрцыйных арганізацыяў. Мерапрыемства, арганізатарам якога выступілі Цэнтар прававой трансфармацыі (Lawtrend) і Асамблея няўрадавых дэмакратычных арганізацыяў, сабрала актывістаў з Воршы, Наваполацку, Віцебску.